តារាចម្រៀង ហាន់ ជីស៊ុង (Han Ji-sung) បានស្លាប់ដោយរថយន្តបុកគ្នានៅលើផ្លូវល្បឿនលឿនឆ្ពោះទៅអាកាសយានដ្ឋានក្រុង«អុីនឆុន» ។ នៅក្នុងរបាយការណ៍បញ្ជាក់ថា «ហាន់ ជីស៊ុង អាយុ២៨ឆ្នាំ បានស្លាប់បាត់បង់ជីវិត ក្នុងគ្រោះថ្នាក់ចរាចរណ៍រថយន្ត២គ្រឿងបុកគ្នា នៅលើផ្លូវល្បឿនលឿនទៅអាកាសយានដ្ឋានអន្តរជាតិ (Incheon) កាលពីព្រឹកថ្ងៃទី៦ ខែឧសភា ឆ្នាំ២០១៩» ។
មនុស្សជំនិតបញ្ជាក់ថា «ហាន់ ជីស៊ុង បានឃ្លាតចាកពីពួកយើង ក្រោយពីជួបគ្រោះថ្នាក់ចរាចរណ៍ ។ នាងជាតារាចម្រៀង និងតារាសម្តែងដ៏លេចធ្លោ និងពុះពារលើការងារកំពុងមានអនាគតភ្លឺស្វាង ប៉ុន្តែជាអកុសលបានចាកចោល ខណៈពេលខាងក្រុមគ្រួសារបានប្រារព្ធពិធីបុណ្យសពទាំងសោកសៅ »។
ហាន់ ជីស៊ុងកាលពីមុនធ្លាប់ជាសមាជិកក្នុងក្រុម «girl group B.Dolls» នៅឆ្នាំ២០១០ ក្រោយមកចាប់អាជីពជាតារាសម្តែង និងធ្លាប់សម្តែងក្នុងកម្មវិធី «Second to Last Love» និង«Happy Sisters» ក្នុងស្ថានីយទូរទស្សន៍ «SBS» រួមទាំងភាពយន្តរឿង «OnePunch»៕
ចែករំលែកព័តមាននេះ