ប្រទេសអាហ្វហ្គានីស្ថាន ៖ ការវាយប្រហារកាលពីថ្ងៃទី៨ឧសភា របស់ពួកតាលីបង់ប្រឆាំងទីតាំងនៃអង្គការក្រៅរដ្ឋាភិបាលអាមេរិក COUNTERPART INTERNATIONAL នៅក្រុងកាប៊ុល បានបញ្ចប់ហើយក្រោយការប្រយុទ្ធគ្នារយៈពេលជាង៥ម៉ោង បន្ទាប់ពីការផ្ទុះដំបូងមួយរួចមនុស្ស៩នាក់បានត្រូវស្លាប់។ ការវាយប្រហារនោះកើតមាន…
ប្រទេសអាហ្វហ្គានីស្ថាន ៖ ការវាយប្រហារកាលពីថ្ងៃទី៨ឧសភា របស់ពួកតាលីបង់ប្រឆាំងទីតាំងនៃអង្គការក្រៅរដ្ឋាភិបាលអាមេរិក COUNTERPART INTERNATIONAL នៅក្រុងកាប៊ុល បានបញ្ចប់ហើយក្រោយការប្រយុទ្ធគ្នារយៈពេលជាង៥ម៉ោង បន្ទាប់ពីការផ្ទុះដំបូងមួយរួចមនុស្ស៩នាក់បានត្រូវស្លាប់។
ការវាយប្រហារនោះកើតមាន ខណៈពួកតាលីបង់ចូលរួមចាប់តាំងពីច្រើនថ្ងៃមកហើយ ក្នុងការចរចាសន្តិភាពជាមួយសហរដ្ឋអាមេរិកនៅទីក្រុងដូហាប្រទេសកាតា។
ក្នុងសារមួយដល់បណ្ដាសារព័ត៌មាន លោកNASRAT RAHIMIអ្នកនាំពាក្យក្រសួងមហាផ្ទៃអាហ្វហ្គានីស្ថានគូសបញ្ជាក់ថា ការវាយប្រហារភេរវកម្ម ប្រឆាំងទីភ្នាក់ងារជំនួយមនុស្សធម៌អន្តរជាតិត្រូវបានបញ្ចប់។ ពួកអ្នកវាយប្រហារទាំងអស់់ត្រូវបានសម្លាប់។ លោកបញ្ជាក់ថាជនសីុវិល៤នាក់ក្នុងនោះមាននារីម្នាក់និងប៉ូលិសម្នាក់បានត្រូវស្លាប់ ចំណែកមនុស្ស២៤នាក់ទៀតរងរបួស ក្នុងនោះមានជនបរទេសម្នាក់។
ការផ្ទុះយ៉ាងខ្លាំងមួយដំបូង កើតមានមុនថ្ងៃត្រង់បន្តិច នាកណ្ដាលរដ្ឋធានីកាប៊ុលក្នុងតំបន់ដែលសម្បូរដោយទីតាំងពាណិជ្ជកម្ម និងទីតាំងនៃបណ្ដាអង្គការក្រៅរដ្ឋាភិបាល ព្រមទាំងអគារមួយជាតាំងរបស់អ.ស.ប។ អគាររងការវាយប្រហារដោយរថយន្តផ្ទុកគ្រឿងផ្ទុះមួយ គឺជាទីតាំងរបស់អង្គការក្រៅរដ្ឋាភិបាលអាមេរិកCOUNTERPART INTERNATIONAL ដែលនៅជាប់ជាមួយការិយាល័យរបស់អគ្គរដ្ឋអាជ្ញា។
បុរស៤នាក់ប្រដាប់ដោយកាំភ្លើងនិងគ្រឿងផ្ទុះបានចូលមកក្នុងប្លុកអគាររបស់អង្គការនោះ មុនពេលប៉ូលិសឡោមព័ទ្ធតំបន់នេះ។ បន្ទាប់មកកងកម្លាំងពិសេសអាហ្វហ្គានីស្ថាន បានធ្វើអន្តរាគមន៍ ដើម្បីសម្លាប់ពួកអ្នកវាយប្រហារ ដែលលាក់ខ្លួនក្នុងអគារមាន៤ជាន់នោះម្ដងមួយៗ។ និយោជិតជិត២០០នាក់របស់អង្គការ COUNTERPART INTERNATIONALត្រូវបានជួយសង្គ្រោះ រួចរថយន្តផ្ទុ្ទកគ្រឿងផ្ទុះមួយត្រូវបានរកឃើញនៅទីតាំងនោះ។
ពួកតាលីបង់បានប្រកាសទទួលខុសត្រូវចំពោះការវាយប្រហារនេះ តាមរយៈអ្នកនាំពាក្យរបស់ពួកគេ ដែលតាមTWITTERចោទប្រកាន់អង្គការនេះថា ចូលរួមក្នុងបណ្ដាសកម្មភាពអាក្រក់នានា ហើយឃោសនាពីវប្បធម៌លោកខាងលិច៕
ចែករំលែកព័តមាននេះ