កុំព្យាបាទ កុំច្រណែនឈ្នានីសគេធ្វើអ្វី ព្រោះអ្នកដទៃក៏គេសុទ្ធតែចង់បានសេចក្តីសុខដែរ ។ នៅក្នុងលោកនេះមិនមានបុគ្គលណាម្នាក់ដែលគួរឲ្យយើងច្រណែនសោះ ព្រោះក្នុងអ្នកដទៃនោះ ក៏មានសេចក្តីទុក្ខច្រើនណាស់ទៅហើយ និងចង់បានតែសេចក្តីសុខដូចជាយើងអ៊ីចឹងដែរ ។ ព្រះបរមគ្រូនៃយើងត្រាស់ថា…
កុំព្យាបាទ កុំច្រណែនឈ្នានីសគេធ្វើអ្វី ព្រោះអ្នកដទៃក៏គេសុទ្ធតែចង់បានសេចក្តីសុខដែរ ។ នៅក្នុងលោកនេះមិនមានបុគ្គលណាម្នាក់ដែលគួរឲ្យយើងច្រណែនសោះ ព្រោះក្នុងអ្នកដទៃនោះ ក៏មានសេចក្តីទុក្ខច្រើនណាស់ទៅហើយ និងចង់បានតែសេចក្តីសុខដូចជាយើងអ៊ីចឹងដែរ ។
ព្រះបរមគ្រូនៃយើងត្រាស់ថា បើយើងចងចិត្តព្យាបាទ ច្រណែននឹងអ្នកដទៃ ឈ្នានីសគេឈ្មោះថាយើងចង់បានសេចក្តីសុខពីអ្នកដទៃ ចុះបើអ្នកដទៃនោះមិនទាំងមានសេចក្តីសុខសម្រាប់ខ្លួនគាត់ផ្ទាល់ផង គឺសុទ្ធតែទុក្ខដែរហ្នឹង តើមានសេចក្តីសុខឯណា សម្រាប់ប្រគល់ឲ្យយើង ។
បើយើងគិតតែពីច្រណែនគ្នា បៀតបៀនគ្នា ចង់យកឈ្នះតែរៀងៗខ្លួននោះ សេចក្តីពិតគ្មានបានទទួលអ្វីក្រៅតែអំពីពៀរវេរា និងការឈឺចាប់ឡើយ ព្រោះយើងគ្រប់គ្នាសុទ្ធតែជាអ្នកជាប់នៅក្នុងទ្រុងមច្ចុរាជដូចគ្នា មិនគិតរកច្រកចេញដោយការប្រព្រឹត្តសុចរិត បែរជាខំសន្សំទុច្ចរិតបន្ថែមទុក្ខមកសង្កត់ខ្លួនទៅវិញ វាជាការល្ងង់ខ្លៅណាស់ សមដូចពុទ្ធសិតត្រាស់នៅក្នុងគម្ពីរធម្មបទថាៈ
អ្នកឈ្នះ តែងរងនូវពៀរ ចំណែកអ្នកចាញ់ តែងដេកជាទុក្ខ ឯអ្នកលះបង់នូវ ការឈ្នះនិងការចាញ់ចេញហើយ ជាអ្នកស្ងប់រម្ងាប់ ទើបដេកនៅជាសុខ ។
ចែករំលែកព័តមាននេះ