តារាសម្តែងជនជាតិថៃនាងពូ ប្រាយ៉ា (Poo Praiya) និងគូស្នេហ៍អ្នកជំនួញបរទេសលោកមេតធីវ ប្រាក (Matthew Brag) បានធ្វើឲ្យទស្សនិកជនគ្រប់រូបមានចំណាប់អារម្មណ៍ ខណៈពេលខាងប្រុសបានបង្កើតរឿងដ៏ភ្ញាក់ផ្អើលមួយដោយលុតជង្គង់សុំរៀបការនៅខាងក្រោមដើមផ្កាសាគូរ៉ា ប្រទេសជប៉ុន ។
នៅពេលអ្នកសារព័ត៌មានបានជួបនាងពូ នៅក្នុងពិធីបង្ហាញផលិតផលមួយ នៅតំបន់«ហ្គាឌែន ហល» ក៏បានសួរនាំពីការរៀបអាពាហ៍ពិពាហ៍ ខណៈពេលតារាឯករូបនេះបានទទួលស្គាល់ថានៅមិនទាន់ដល់វេលាល្អ ប៉ុន្តែសកម្មភាពរបស់គូស្នេហ៍ហាក់ដូចជាផ្ដល់កិត្តិយសបំផុតដល់ខ្លួន ។
ប្រវត្តិនៃស្នេហារបស់អ្នកទាំង២ គឺពួកគេបានសេពគប់រយៈពេល៣ឆ្នាំហើយ លោកមេតធីវ និងក្រុមគ្រួសាររបស់គេមានភាពសមញ្ញ និងផ្ដល់កិត្តិយសដល់ស្ត្រីជាចម្បង ។ ហេតុដូច្នេះគេក៏បានប្រតិបត្តិដល់គូស្នេហ៍ដោយលុតជង្គង់សុំរៀបការ ដោយក្នុងចិត្តរបស់គេមិនទាន់ចង់រៀបការ ភ្លាមៗទេ ៕
ចែករំលែកព័តមាននេះ