បកតិសីល ឬសីល៥បជាប្រភពនៃសន្តិភាព រហូតអ្នកប្រាជ្ញខាងផ្លូវលោកបានលើកយកគោលធម៌ទាំង៥ចំណុចនេះទៅដាក់បញ្ចូលទៅក្នុងមាតិកានៃច្បាប់សិទ្ធិមនុស្សអន្តរជាតិ ដើម្បីឱ្យមនុស្សក្នុងពិភពលោកអនុវត្តទាំងអស់គ្នា ។
ខាងក្រោមនេះជាខ្លឹមសារនៃបកតិសីល ៖
១-បាណាតិបាតា វេរមណី វៀរចាកការសម្លាប់សមនុស្សសត្វ។ ការមិនសម្លាប់សត្វរមែងមានសុខភាពល្អ អាយុយឺនយូរទាំងពេលបច្ចុប្បន្ន និងទៅអនាគតជាតិ។
២-អទិន្នាទានា វេរមណី វៀរចាកការលួចទ្រព្យសម្បត្តិអ្នកដទៃ។ ការមិនលួចទ្រព្យរបស់អ្នកដទៃរមែងថែរក្សាទ្រព្យរបស់ខ្លួនបានគង់វង្ស ឋិតថេរមិនវិនាសអន្តរាយដោយហេតុផ្សេងៗ មានអន្តរាយអំពីចោរជាដើម។
៣-កាមេសុ មិច្ឆាចារា វេរមណី ហាមប្រព្រឹត្តខុសទៅលើប្រពន្ធកូនអ្នកដទៃ។ ការមិនប្រព្រឹត្តខុសក្នុងកាមរមែងគ្រប់គ្រងគ្រួសារដោយសុវត្ថិភាព មិនមានអ្នកដទៃមកបៀតបៀនប្រពន្ធកូនឡើយ។
៤-មុសាវាទា វេរមណី វៀរចាកការពោលពាក្យកុហក។ ការមិនពោលពាក្យភូតកុហកបោកប្រាសគេរមែងមានសំឡេងពីរោះ មិនមានពាក្យចោទពោលមូលបង្កាច់បង្ខូចកេរ្តិ៍ពីអ្នកដទៃ។
៥-សុរាមេរយមជ្ជប្បមាទដ្ឋានា វេរមណី វៀរចាកការសេពគ្រឿងស្រវឹង។ ការមិនសេពសុរា និងគ្រឿងញៀន រមែងមានសតិបញ្ញាល្អ និងមិនវង្វេងវង្វាន់ក្តៅអន្ទះអន្ទែងក្នុងរាងកាយ។ រួចចាកពីភាពសៅហ្មងក្នុងពេលបច្ចុប្បន្ន ទៅភពខាងមុខនឹងជាអ្នកមានបញ្ញាច្រើន ឈ្លាសវៃក្នុងកិច្ចការទាំងពួង។
ផលដែលទទួលបានពីការប្រតិបត្តិតាមបកតិសីលត្រឹមត្រូវហើយនោះ មិនមែនហុចផលឱ្យតែទៅក្នុងអនាគតជាតិទេ ក្នុងពេលបច្ចុប្បន្នក៏ទទួលបានផលដែរ គឺការរស់នៅជាសុខមិនមានទោសក្នុងហេតុនានា ។
ចែករំលែកព័តមាននេះ