ដំបូងអំពើអាក្រក់កកើតឡើងតួចតាចទេ លុះយូរៗទៅនឹងឈានដល់ការប្រព្រឹត្តរឿងធំបានដូច ប្រព្រឹត្តអបាយមុខល្បែងពាលា លួច ឆក់ប្លន់ លេងស្រី ផឹកស្រា និងសេពគប់បាបមិត្តពេញបន្ទុក ទីបំផុតវាបានបំផ្លាញនូវអ្វីៗសព្វបែបយ៉ាងដល់ការរស់នៅរបស់យើងរហូតដល់នូវសេចក្តីវិនាសអន្តរាយជាក់ជាមិនខាន ។
ដោយឃើញពីសេចក្តីទុក្ខរបស់សត្វលោកមានសភាពបែបនេះហើយ ព្រះមានព្រះភាគទ្រង់សម្តែងឱ្យសត្វលោកយល់អំពីការអប់រំផ្លូវចិត្ត ឱ្យវៀរការកាប់សម្លាប់ លួចឆក់ប្លន់ជាហេតុនាំឱ្យបង្កភាពវឹកវរក្នុងសង្គមដែលសុទ្ធតែជាអំពើអាក្រក់ ដូច្នេះដើម្បីឱ្យមនុស្សម្នាក់ៗសម្រេចបានសុខសួស្តីដូចបំណង ចាំបាច់ទាល់តែទាំងអស់គ្នាចៀសវាងពីអំពើបាបអកុសលនានា ។
អំពើអាក្រក់បានបំផ្លាញនូវប្រយោជន៍ខ្លួនឯងផង និងប្រយោជន៍អ្នកដទៃផង ដូច្នេះជនគ្រប់រូបគួររៀនលះបង់ រៀនវៀរចេញឱ្យឆ្ងាយដើម្បីសេចក្តីសុខខ្លួនឯង និងសង្គមជាតិក៏ស្ងប់ស្ងាត់រស់នៅដោយសុខសួស្តី ។
ចែករំលែកព័តមាននេះ