បព្វជិតរស់ដោយខ្វះភាពបរិសុទ្ធ មិនប្រតិបត្តិធម៌វិន័យឱ្យបានម៉ត់ចត់ រវល់តែលង់ខ្លួនក្នុងតិរច្ឆានវិជ្ជា ក្នុងបច្ចេកវិទ្យាជាហេតុនាំវិបត្តិដល់ព្រះពុទ្ធសាសនា ។ មើលចុះកុលបុត្រខ្លះសូម្បីបានបួសជាព្រះសង្ឃហើយក៏ដោយ ក៏នៅតែស្វែងរកអាហារភោជនបែបពុំសមគួរមាន ធ្វើគ្រូមន្តអាគម ធ្វើពេទ្យមើលអ្នកជំងឺ ប្រព្រឹត្តបាបធម៌ផ្សេងៗមិនខ្លាចអបាយភូមិឡើយ…
បព្វជិតរស់ដោយខ្វះភាពបរិសុទ្ធ មិនប្រតិបត្តិធម៌វិន័យឱ្យបានម៉ត់ចត់ រវល់តែលង់ខ្លួនក្នុងតិរច្ឆានវិជ្ជា ក្នុងបច្ចេកវិទ្យាជាហេតុនាំវិបត្តិដល់ព្រះពុទ្ធសាសនា ។
មើលចុះកុលបុត្រខ្លះសូម្បីបានបួសជាព្រះសង្ឃហើយក៏ដោយ ក៏នៅតែស្វែងរកអាហារភោជនបែបពុំសមគួរមាន ធ្វើគ្រូមន្តអាគម ធ្វើពេទ្យមើលអ្នកជំងឺ ប្រព្រឹត្តបាបធម៌ផ្សេងៗមិនខ្លាចអបាយភូមិឡើយ ។
ព្រោះតែការចិញ្ចឹមជីវិតខុសនេះហើយក៏បានទៅជាបុគ្គលដែលត្រូវគេមាក់ងាយ និន្ទាពោលទោសក្នុងបច្ចុប្បន្ននេះ លុះទម្លាយខន្ធទៅក្នុងភពខាងមុខ ក៏កើតជាសមណប្រេត ដូចសេចក្តីដែលបានពោលទុកហើយនៅក្នុងពុទ្ធោវាទមានជាអាទិ៍ថា សូម្បីសង្ឃាដីរបស់សមណប្រេតនោះ ក៏ត្រូវភ្លើងឆេះហុយទ្រលោម ក្រហមរន្ទាលគួរឱ្យតក់ស្លុត ។
ការឃើញភ័យ ហើយលះកិលេស វៀរអំពើខុសឆ្គងនៃអ្នកបួស លោកចាត់ថាជាស្រែបុណ្យដ៏ពិសិដ្ឋ ពូជគឺទានដែលបរិស័ទសាបព្រោះទៅក្នុងបុញ្ញខេត្តនោះនឹងបានផលច្រើន ។
ចែករំលែកព័តមាននេះ