រាជធានីភ្នំពេញ ៖ មានការលេចឮពេញផ្ទៃប្រទេសនៅពេលតារាកំប្លែងនាយតាក់សុី ស្រាប់តែប្រកាសចេញទៅសាងផ្នួសប្រគល់ចិត្តលើពុទ្ឋសាសនា ដោយសារតែធុញទ្រាន់អាការជំងឺរួមរិតមិនទាន់ស្បើយ ។ ជំហរប្រកាសលាចាកសិល្បៈ មិនបកក្រោយមិនស្តាយការគាំទ្រធ្វើឱ្យគេស្រឡាំងកាំង ។ រីឯនាងភីមដែលនៅក្បែរប្តី…
រាជធានីភ្នំពេញ ៖ មានការលេចឮពេញផ្ទៃប្រទេសនៅពេលតារាកំប្លែងនាយតាក់សុី ស្រាប់តែប្រកាសចេញទៅសាងផ្នួសប្រគល់ចិត្តលើពុទ្ឋសាសនា ដោយសារតែធុញទ្រាន់អាការជំងឺរួមរិតមិនទាន់ស្បើយ ។
ជំហរប្រកាសលាចាកសិល្បៈ មិនបកក្រោយមិនស្តាយការគាំទ្រធ្វើឱ្យគេស្រឡាំងកាំង ។ រីឯនាងភីមដែលនៅក្បែរប្តី ដឹងឮបំណងស្វាមីយូរហើយ នៅតែចោទសួរខ្លួនឯងថា មិនមែនជាការណ៍ពិត។
ក្នុងកម្មវិធីសន្និសីទសារព័ត៌មាន កាលពីល្ងាចថ្ងៃទី២៣ មេសា ឆ្នាំ២០១៩ ធ្វើឡើងនាហាង «មីស៊ុបកូន
កាត់» ស្ថិតនៅកោះពេជ្រ នាងភីមនិងតាក់សុីបានបកស្រាយយ៉ាងច្រើនសំណួរពាក់ព័ន្ធការទៅបួសពេញមួយជីវិតរបស់តារាកំប្លែងនាយតាក់សុី។
មុនពេលបើកសន្និសីទ នាងភីមនិងតាក់សុីបានប្រឡែងគ្នាដោយភីមវិញឱបតាក់សុីពេញកាយ ហាក់ចិត្តនៅដក់ពេញបេះដូងស្រឡាញ់ស្វាមី។
អ្នកនាងភីមបានពោលឡើងទឹកមុខស្រពោនថា «ប្រាប់តាមត្រង់រហូតមកទល់ពេលនេះ នាងនៅតែមិនជឿថាប្តីបួសមិនសឹកមកវិញចោលនាងនិងកូនឡើយ ទាំងដឹងថាសំណើមួយនេះកើតមានយូរហើយ។មុននឹងមកប្រកាសធ្វើសន្និសីទកាសែតជិះឡានចេញពីផ្ទះ ខ្ញុំសួរបងតាកសុីថា (បងឯងអាចបកក្រោយមកវិញបានអត់ខ្ញុំសុំ ទាន់មិនទាន់ហួសពេល) ។
ប៉ុន្តែដោយសារតែជាប់ពាក្យសម្តីជាមួយសាសនា ហើយគាត់ចេះតែសុំនិងត្អូញកុំឲនាងពិបាកឈឺច្រើនមានតែបួសជាសង្ឃថ្វាយខ្លួនជាមួយព្រះតាមចិត្តគាត់ចុះ។
យ៉ាងណា នាងសន្យាថានឹងមើលថែកូនប្រុសអាយុ១៤ឆ្នាំឱ្យល្អតាមលទ្ឋភាព ។ បើទោះជាគាត់បើកដៃឱ្យនាងមានស្នេហ៍ថ្មីមើលថែ តែនាងសុំមិនទាន់គិត ព្រោះអាណិតប្តីកម្សត់កម្រតាំងពីដំបូងជីវភាពលំបាកនាងមិនចោលគាត់ឡើយ ទោះទៅបួសនៅតែឆ្លៀតពេលមើលថែ។
ដោយឡែក នាយតាក់សុីបានលើកឡើងថា លោកបួសដែលល្បីមុននេះជាការណ៍ពិត ដោយលោកហាក់មាននិស្ស័យ ជាមានពុទ្ឋឱវាទហើយកាលពីតូចធ្លាប់បួសសឹកវិញ សន្យាថានឹងបួសថ្វាយខ្លួននិងព្រះពុទ្ឋបើមាននិស្ស័យ។
លោកមិនបដិសេធនោះទេ ប្រសិនបើភីមជាប្រពន្ធពេញចិត្តបុរសណាជាប្តី គឺបើកឱកាសឱ្យយក កុំឱ្យនាងពិបាកចិត្តទើសទាល់ ។
ក្នុងពេលនាយតាក់សុីបួសពេញមួយជីវិតនាងភីម ក៏មានឱកាសល្អត្រូវបានអ្នកនាងវណ្ណា ថៅកែមីស៊ុបកូនកាត់យល់ព្រមមើលថែមួយផ្នែក ហើយសន្យាថាជួយឱ្យនាងចេះរូបមន្តធ្វើមីស៊ុបកូនកាត់ បើកហាងលក់ដូរនៅពេលសិល្បៈថមថយ។
ចែករំលែកព័តមាននេះ