តាមធម្មតារោគា ព្យាធិ មរណៈតែងកើតមានដល់មនុស្សសត្វគ្រប់គ្នា មិនមានអ្នកណាដែលថាមិនមានជំងឺឈឺថ្កាត់ហើយមរណៈនោះទេ គ្រាន់តែខុសគ្នាត្រង់ថា ឈឺតិច ឈឺច្រើន ទុក្ខតិច ទុក្ខធំ ហើយស្លាប់មុន…
តាមធម្មតារោគា ព្យាធិ មរណៈតែងកើតមានដល់មនុស្សសត្វគ្រប់គ្នា មិនមានអ្នកណាដែលថាមិនមានជំងឺឈឺថ្កាត់ហើយមរណៈនោះទេ គ្រាន់តែខុសគ្នាត្រង់ថា ឈឺតិច ឈឺច្រើន ទុក្ខតិច ទុក្ខធំ ហើយស្លាប់មុន និងស្លាប់ក្រោយប៉ុណ្ណោះ ។
ក្នុងន័យនេះព្រះដ៏មានបុណ្យទ្រង់ឱ្យពិចារណាថា ខ្លួនប្រាណយើងនេះតែងមានជំងឺជាធម្មតា គ្មានសត្វលោកណាមួយអាចកន្លងនូវរោគា ព្យាធិ មរណៈបានឡើយ ព្រោះហេតុនោះបុគ្គលត្រូវបំពេញការងារណាដែលសំខាន់ឱ្យបានមុនពេលរោគាចូលមកបៀតបៀនក្នុងខ្លួនប្រាណឱ្យបានឆាប់រួសរាន់ ។
ព្រោះថាមានតែមនុស្សដែលមានសុខភាពល្អប៉ុណ្ណោះដែលអាចបំពេញការងារឲ្យបានគ្រប់លក្ខខន្ធ និងទទួលលទ្ធផលជាវិជ្ជមាន ដូច្នេះបុគ្គលគប្បីយល់ពីសុខភាពហើយគួរកំណត់ថា ការងារណាដែលជាប្រយោជន៍ត្រូវតែធ្វើឲ្យហើយស្រេច មុនពេលដែលជំងឺណាមួយចូលមកលុកលុយក្នុងខ្លួនប្រាណ ។
នេះជាពុទ្ធបំណង មិនឲ្យសត្វលោកតក់ស្លុតនៅពេលដែលយើងធ្លាក់ខ្លួនឈឺនៅថ្ងៃណាមួយនោះ និងត្រូវគិតថា វាជាមរតករបស់យើងគ្រប់គ្នា គ្មានអ្នកណាគេចរួចចៀសផុតបានឡើយ ។
ចែករំលែកព័តមាននេះ