ឪពុកម្តាយគប្បីអប់រំកូនឱ្យវៀរចេញឆ្ងាយពីអំពើបាបទាំង៥ប្រការនេះដាច់ខាត ព្រោះថា អំពើអាក្រក់ទាំងអស់នេះកាលបើបុគ្គលណាប្រព្រឹត្តឱ្យប្រាកដហើយ បុគ្គលនោះនឹងទទួលផលភ្លាមៗទាន់ភ្នែកដែលកំពុងរស់នៅ មិនចាំបាច់រង់ចាំជាតិក្រោយឡើយ ។
អំពើអាក្រក់ទាំង៥ប្រការនោះ ១-លេងស្រី គឺលួចមានស្រីកំណាន់ដទៃក្រៅពីប្រពន្ធរបស់ខ្លួន ២-លេងស្រា ស្រវឹងអួទីនួរាល់ថ្ងៃជាហេតុនាំឱ្យបាត់បង់ផលប្រយោជន៍រាល់ថ្ងៃ ៣-លេងល្បែងភ្នាល់គ្រប់ប្រភេទ វាមិនដែលចម្រើនព្រោះល្បែងភ្នាល់នោះទេ ៤-សេពគប់បាបមិត្ត តាមធម្មតាបុគ្គលពាលតែងនាំខ្លួនឱ្យដល់នូវសេចក្តីវិនាស និង៥-ភាពខ្ជិលច្រអូស ទ្រព្យសម្បត្តិមិនដែលកើតមានដល់អ្នកខ្ជិលច្រអូសឡើយ ។
អ្នកប្រាជ្ញពុទ្ធសាសនាបានបញ្ចេញទស្សនៈថា កាលបើឪពុកម្តាយណាព្យាយាមចិញ្ចឹមកូន អប់រំកូនដោយប្រពៃ មាតាបិតានោះនឹងបានឈ្មោះថាជាអ្នកមានគុណដ៏ល្អរបស់កូន ហើយបើកូនមានកំហុសអ្វីក៏មិនអាចបន្ទោសទៅលើឪពុកម្ដាយបានឡើយ ព្រោះលោកខំព្យាយាមចិញ្ចឹមកូន អប់រំកូនរួចហើយ ។
ចែករំលែកព័តមាននេះ