រាជធានីភ្នំពេញ ៖ បន្ទាប់ពីពិធីបុណ្យចូលឆ្នាំថ្មីបានបញ្ចប់ភ្លាម តារាចម្រៀងលោក ករុណា បានប្តូររថយន្តថ្មីម៉ាក lexus ៥៧០ ដែលមានតម្លៃប្រមាណជាង២០ម៉ឺនដុល្លារ។ តារាចម្រៀងរូបនេះបានបង្ហាញរថយន្តថ្មីរបស់ខ្លួនតាមបណ្តាញសង្គមហ្វេសប៊ុកនៅថ្ងៃនេះ ជាមួយនឹងការលើកសរសើរ និងអបអរសាទរពីប្រិយមិត្តគាំទ្រ និងអ្នកសិល្បៈដូចគ្នាផងដែរ។
ករុណា ពេជ្រ បានចាត់ទុកការសម្រេចទិញបានរថយន្តក្នុងក្តីស្រម៉ៃនាពេលនេះ គឺមួយផ្នែកធំសម្រាប់ប៉ារបស់លោកដែលកំពុងព្យាបាលជំងឺនិងសម្រាប់ខ្លួនលោកផងដែរ។ ជាមួយនឹងការនាំចូលនូវរថយន្តស៊េរីរថយន្តដ៏ទំនើបនេះ តារាចម្រៀងរូបនេះក៏បានភ្ជាប់សារបញ្ជាក់ផងដែរថាសួស្តីឆ្នាំថ្មី ហេង ហេង… ទំរាំតស៊ូដណ្តឹងយកអូនបាន មិនងាយទេ ព្រោះថ្លៃទឹកដោះអូនច្រើនពេក… ។
លោកបន្ថែមថា មួយចំណែក សំរាប់ប៉ា.. មួយចំណែកសំរាប់គ្រួសារ.. មួយចំណែកនេះ ដើម្បីខ្លួនឯង… ប្រសិនបើប៉ាដឹងខ្លួន ចងចាំវិញ មិនដឹងបានសប្បាយចិត្ត ញញឹមយ៉ាងណាទេ….!!!។
ជាការកត់សម្គាល់បន្ទាប់ពីទិញបានរថយន្តថ្មីនេះលោក ករុណា ពេជ្រ ក៏នាំប៉ារបស់សាកជិះមុនគេ ដើម្បីជាការតបស្នងសងគុណ បើទោះបីជាពេលនេះប៉ារបស់លោកមិនអាចនិយាយអ្វីបានក៏ដោយ។ បើទោះបីជាមួយរយៈចុងក្រោយនេះតារាចម្រៀងលោក ករុណា ហាក់មិនបានចេញបទចម្រៀងថ្មីៗបន្ថែមទៀតក៏ដោយ ប៉ុន្តែតារារូបនេះត្រូវបានគេមើលឃើញថា លោកបានរស់នៅក្នុងជីវភាពមួយយ៉ាហ៊ឺហារជាមួយនឹងការស្នាក់នៅវីឡាដ៏ស្កឹមស្កៃ និងមានដីច្រើនកន្លែងផងដែរ។បើទោះបីជាបច្ចុប្បន្នលោកកំពុងមានតំណែងធំមួយនៅស្ថានីយទូរទស្សន៍ថោន និងជោគជ័យក្នុងជីវិតរស់នៅប្រចាំថ្ងៃក៏ដោយ ប៉ុន្តែរហូតមកដល់ពេលនេះគេនៅមិនទាន់បានលឺពីជីវិតស្នេហារបស់លោកនៅឡើយទេ៕
បើទោះបីជាបច្ចុប្បន្នលោកកំពុងមានតំណែងធំមួយនៅស្ថានីយទូរទស្សន៍ថោន និងជោគជ័យក្នុងជីវិតរស់នៅប្រចាំថ្ងៃក៏ដោយ ប៉ុន្តែរហូតមកដល់ពេលនេះគេនៅមិនទាន់បានលឺពីជីវិតស្នេហារបស់លោកនៅឡើយទេ៕
ចែករំលែកព័តមាននេះ