រាជធានីភ្នំពេញ ៖ យោងតាមរបាយការណ៍នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈបានឲ្យដឹងថា គ្រោះថ្នាក់ចរាចរណ៍ទូទាំងប្រទេសក្នុងថ្ងៃចូលឆ្នាំខ្មែរថ្ងៃទីមួយ គឺថ្ងៃទី១៤ ខែមេសា ឆ្នាំ២០១៩ កើតឡើង៣១លើក បណ្តាលមនុស្សស្លាប់១៧នាក់ ក្នុងនោះស្រី២នាក់ របួសធ្ងន់៣២នាក់ ស្រី៥នាក់ និងរបួសស្រាល១៥នាក់ ស្រី៣នាក់ ។
ហើយចំពោះមូលហេតុនៃគ្រោះថ្នាក់នេះ គឺបណ្តាលមកពីល្បឿនលឿន១៦លើក ស្លាប់១០នាក់, មិនគោរពសិទ្ធិ៣លើកស្លាប់១នាក់, មិនប្រកាន់ស្តាំ៤លើកស្លាប់២នាក់, ប្រជែង៤លើកស្លាប់៣នាក់, បត់គ្រោះថ្នាក់៤លើកស្លាប់១នាក់ សរុបស្លាប់១៧នាក់ ដោយម៉ូតូ១នាក់(មិនពាក់មួក៩នាក់) រថយន្តតូច៣នាក់ , ថ្មើជើង១នាក់ ។
ចំពោះគ្រោះថ្នាក់ប៉ះទង្គិច ម៉ូតូនិងម៉ូតូ៧លើក, ម៉ូតូនិងរថយន្តតូច១០លើកស្លាប់៥នាក់, ម៉ូតូនិងរថយន្តធំ២លើកស្លាប់៣នាក់, ម៉ូតូដួលខ្លួនឯងលើកស្លាប់១នាក់, ម៉ូតូនិងថ្មើរជើង១លើក, ម៉ូតូនិងយានផ្សេងៗ៣លើកស្លាប់២នាក់, រថយន្តតូចនិងរថយន្តធំ១លើកស្លាប់៣នាក់, រថយន្តតូចនិងថ្មើជើង១លើកស្លាប់១នាក់, រថយន្តតូចនិងផ្សេងៗ៣លើកស្លាប់២នាក់។ បណ្តាលឲ្យខូចខាតយាន៥៧គ្រឿងមាន ម៉ូតូ៣៣គ្រឿង, រថយន្តតូច១៥គ្រឿង, រថយន្តធំ៣គ្រឿង, យានផ្សេងៗ៦លើក,ថ្មើរជើង១នាក់ ។
រីឯយានយន្តបង្កហេតុមាន ម៉ូតូ១៦លើក, រថយន្តតូច១២លើក, រថយន្តធំ១គ្រឿង, ផ្សេងៗ២លើក ។ គ្រោះថ្នាក់ខាងលើទាំងនេះបានកើតឡើងលើផ្លូវជាតិ១៨លើក, ផ្លូវខេត្ត១២លើក, ផ្លូវលំ១លើក ។ ហើយរាជធានី-ខេត្តដែលមានគ្រោះថ្នាក់ និងរងគ្រោះច្រើន មាន ខេត្ត្បូងឃ្មុំ២លើកស្លាប់៤នាក់ ក្នុងនោះស្រី១នាក់ របួស២នាក់(ស្រី១នាក់), កំពង់ស្ពឺ១ លើកស្លាប់៣នាក់, ភ្នំពេញ៦លើកស្លាប់២នាក់របួស៦នាក់, បាត់ដំបង២ លើកស្លាប់២នាក់, ព្រះសីហនុ១លើកស្លាប់ស្រី១នាក់ របួសស្រី១នាក់, ក្រចេះ៣លើកស្លាប់២នាក់ របួស៥នាក់ (ស្រី១នាក់), ស្វាយរៀង៣លើក ស្លាប់១នាក់ របួស៤នាក់ (ស្រី១នាក់), កំពង់ឆ្នាំង១លើកស្លាប់១នាក់ និងខេត្តកណ្តាល២លើកស្លាប់២នាក់របួស៦នាលក់ ក្នុងនោះស្រី១នាក់ ៕
ចែករំលែកព័តមាននេះ