រាជធានីភ្នំពេញ៖ អតីតពិធីការិនីស៊ិន នារីរត្ន័ បានបាត់មុខជាយូរមកហើយពីកញ្ចក់ទូរទស្សន៍ ។ ពីមុនទស្សនិកជនតែងតែឃើញមុខនាងនៅទូរទស្សន៍បាយ័ន តែក៏បាត់រហូតមកដល់ពេលនេះ ។ ស៊ិន នារីរ័ត្ន…
រាជធានីភ្នំពេញ៖ អតីតពិធីការិនីស៊ិន នារីរត្ន័ បានបាត់មុខជាយូរមកហើយពីកញ្ចក់ទូរទស្សន៍ ។ ពីមុនទស្សនិកជនតែងតែឃើញមុខនាងនៅទូរទស្សន៍បាយ័ន តែក៏បាត់រហូតមកដល់ពេលនេះ ។ ស៊ិន នារីរ័ត្ន បានចាកចេញពីអាជីពពិធីការិនីក្រោយពេលចូលរោងការ ។ នារីរត្ន័ មានមុខរបរថ្មីមើលខុសត្រូវ និងមានកូនទៀតផងទើបមិនអាចវិលរកអាជីពចាស់វិញបាន ។
ក្រោយពេលរៀបការរួច ស៊ិន នារីរ័ត្ន បានក្លាយជាម្ចាស់ភោជនីយដ្ឋានមួយ ដូច្នេះហើយនាងក៏បោះបង់អាជីពពិធីការិនីទូរទស្សន៍ ។ កាលពីពេល ថ្មីៗកន្លងមកស៊ិន នារីរ័ត្ន ឲ្យដឹងថានាងកំពុងរស់នៅយ៉ាងមានសុភមង្គលជាមួយស្វាមី និងកូនស្រីម្នាក់ ។ «មូលហេតុដែលនាងខ្ញុំមិនអាចឈានជើងចូលសិល្បៈសាជាថ្មីដោយសារតែរវល់មើលខុសត្រូវមុខជំនួញ ជាពិសេស ហាងអាហារជប៉ុនឈ្មោះហុកកៃដូ នេះតែម្ដង។ ការណ៍ពិតទៅខ្ញុំពិតជាស្រឡាញ់ និងស្ដាយការងារសិល្បៈខ្លាំងណាស់ ព្រោះមហាជនមួយចំនួនស្គាល់ខ្ញុំមកដល់សព្វថ្ងៃនេះក៏ដោយសារតែសិល្បៈដែរ»។
ស៊ិន នារីរត្ន័ ចាត់ទុករបរថ្មីជាជោគជ័យមួយដ៏ធំសម្រាប់នាង ដោយសារតែហាងរបស់មានអតិថិជនច្រើន ក្រោយពីបើកដំណើរការបាន២ខែ ។
ស៊ិន នារីរត្ន័ និយាយទៀតថា«មិនអាចមកកាន់ក្បាលមេក្រូនិយាយដូចមុនទេ ដ្បិតស្ថានភាពបានប្រែប្រួលអស់ទៅហើយ ។ នាងខ្ញុំនៅចាត់ចែងការងារ និងមើលកូនដល់ទៅ២នាក់ដែលមិនត្រូវបណ្តោយឲ្យខាតពេល។មួយទៀតលើមុខរបរក៏កាន់តែរវល់ទើបមិនអាចដកឃ្លាទៅមុខបន្តបាន ។ បើទោះជានាងខ្ញុំចាប់ការងារជាពិធីការិនីប្រចាំស្ថានីយទូរទស្សន៍បាយ័នក្បែរ១០ឆ្នាំ តែធ្វើម្តេចយើងដើរដល់ចំណុចគ្រួសារថ្មី ។
យ៉ាងណានាងខ្ញុំនៅតែបន្តលើកទឹកចិត្តដល់ប្អូនៗរលកក្រោយឲ្យខិតខំតស៊ូស្រឡាញ់សិល្បៈត្រូវលះបង់ព្យាយាម គោរពរៀមច្បង លំបាកបែបណាអត់ធ្មត ់ព្រោះសិល្បៈគឺពិបាកប្រសិនបើដាក់ចិត្តពិតប្រាកដ»។ ពេលនេះស៊ិន នារីរត្ន័ កំពុងពពោះកូនទីពីរ។ ជា រឿយៗ នាងតែងបង្ហោះរូបភាពផ្អែមល្ហែមជាមួយស្វាមីធ្វើឱ្យមហាជនសរសើរពីភាពកក់ក្តៅនៅក្នុងគ្រួសាររបស់នាង ៕
ចែករំលែកព័តមាននេះ