ទស្សនិកជននៅលើពិភពលោកប្រហែលជាខកបំណង ព្រោះនាងជេនី្នហ្វើ៊ ឡូរ៉េន តារាសម្តែងដ៏ពេញនិយមនៅលើពិភពលោក កំពុងត្រៀមចាកចេញពីមជ្ឈដ្ឋានសម្តែងហូលីវូដ ក្រោយពីរៀបការជាមួយលោកឃុក ម៉ារ៉ូនី (Cooke Maroney) ។…
ទស្សនិកជននៅលើពិភពលោកប្រហែលជាខកបំណង ព្រោះនាងជេនី្នហ្វើ៊ ឡូរ៉េន តារាសម្តែងដ៏ពេញនិយមនៅលើពិភពលោក កំពុងត្រៀមចាកចេញពីមជ្ឈដ្ឋានសម្តែងហូលីវូដ ក្រោយពីរៀបការជាមួយលោកឃុក ម៉ារ៉ូនី (Cooke Maroney) ។ នេះបើការបញ្ជាក់ពីទស្សនាវដ្ដី «Us Weekly» របស់អាមេរិក ។
នាងឡូរ៉េន កាលពីមុនបានសេពគប់ជាមួយលោកដារ៉េន អារ៉ូណូហ្វស្គី (Darren Aronofsky) អ្នកដឹកនាំរឿងដ៏ល្បី ប៉ុន្តែបានបែកបាក់គ្នា និងមួយរយៈក្រោយក៏ជួបនឹងលោកម៉ារ៉ូនី ។ ពេលនេះពួកគេកំពុងគិតគូរមានកូនជាមួយគ្នា ។
បច្ចុប្បន្នតារាសម្តែងដ៏ល្បីរូបនេះមានដំណឹងថាបានភ្ជាប់ពាក្យជាមួយលោកម៉ារ៉ូនីរួចហើយ ធ្វើឲ្យសម្ព័ន្ធភាពកាន់តែមានភាពរលូន អាចនឹងរៀបអាពាហ៍ពិពាហ៍ក្នុងពេល ឆាប់ៗនេះ ។
ទស្សនាវដ្ដី«Us Weekly» បានឲ្យដឹងថាឡូរ៉េន សន្សឹមៗនឹងចាកចេញពីហូលីវូដ «Gossip Cop» បានបញ្ជាក់ថានាងនឹងចាកចេញពីអាជីពសម្តែងប្រាកដមែន ៕
ចែករំលែកព័តមាននេះ