ក្រោយចូលឆ្នាំខ្មែរ ឮថា លោកប៉ែន ចំរ៉ុង មានដំណឹងល្អហើយ
- ភ្នំពេញ
រាជធានីភ្នំពេញ៖ លោកប៉ែន ចំរ៉ុង ត្រៀមខ្លួនចូលរោងការនៅខែឧសភា ។ នេះជាដំណឹងប្រាកដប្រជាមួយ ដ្បិតនារីជាគូដណ្តឹងជាអ្នកអះអាង ។ លោកប៉ែន ចំរ៉ុង…
រាជធានីភ្នំពេញ៖ លោកប៉ែន ចំរ៉ុង ត្រៀមខ្លួនចូលរោងការនៅខែឧសភា ។ នេះជាដំណឹងប្រាកដប្រជាមួយ ដ្បិតនារីជាគូដណ្តឹងជាអ្នកអះអាង ។ លោកប៉ែន ចំរ៉ុង បានបណ្ដើរគូដណ្តឹងចូលរួមក្នុងពិធីមួយកាលពីពេល ថ្មីៗកន្លងមក គឺពេលនោះហើយដែលនារីជាគូដណ្តឹងបង្ហាញឲ្យដឹងពីពេលវេលារៀបការ ។
កញ្ញាហ៊ុន ម៉ាណេ ជាគូដណ្ដឹង បាននិយាយថា«ខ្ញុំ និងបងប៉ែន ចំរ៉ុង ត្រៀមចូលរោងការក្រោយពីចូលឆ្នាំខ្មែរហើយ ពោលគឺអំឡុងខែឧសភា ឆ្នាំ២០១៩ ខាងមុខ តែពេលនេះខ្ញុំសុំមិនបញ្ជាក់ពីថ្ងៃចូលរោងជ័យពិតប្រាកដឡើយ គ្រប់យ៉ាងនឹងបង្ហាញច្បាស់នៅពេលក្រោយ ។
ចំពោះពិធីមង្គលការទាំងមូលនឹងរៀបចំឡើងនៅលើទឹកដីខេត្តបាត់ដំបង ដោយគ្រោងនឹងអញ្ជើញមិត្តភក្ដិសិល្បៈប្រុសស្រីល្បីឈ្មោះជាច្រើនរូបឲ្យចូលរួមផងដែរ ។ រៀបការនៅខេត្តដោយមិនទាន់ដឹងថាមានផែនការកាត់ពិធីចំណងដៃនៅភ្នំពេញ ឬយ៉ាងណាទេ រង់ចាំពិភាក្សាគ្នាសិន »។
លោកប៉ែន ចំរ៉ុង បន្ទាប់ពីមានរឿងរ៉ាវបែកបាក់ពីភិន សុដាលីស មក ក៏បានសាងស្នេហ៍ជាមួយកញ្ញាហ៊ុន ម៉ាណេ ។ ពេលនេះលោកប៉ែន ចំរ៉ុង ត្រៀមចូលរោងការ នៅឡើយតែភិន សុដាលីស មិនទាន់មានតម្រុយនៅឡើយ ៕
ចែករំលែកព័តមាននេះ