សត្វលោកខ្លះស្រវឹងក្នុងលាភ យស សរសើរ ហើយរមែងមិនដឹងនូវភ្លើងគឺ រាគៈ ទោសៈ មោហៈ និងតែងតែសម្គាល់នូវអ្វីដែលខុសថាជារបស់ល្អវិសេស ទៅវិញដូចសត្វមមាចដែលមិនស្គាល់ភ្លើងហើរមករោមឆេះខ្លោចកន្ទុយខ្លោចស្លាបក៏ដល់នូវសេចក្តីវិនាស ។
ភ្លើងកិលេសទាំងបី៖
១-រាគៈ សេចក្ដីត្រេកត្រអាលក្នុងកាមទាំងឡាយមានកាមគុណជាដើម
២-ទោសៈ ភ្លើងគឺទោសៈ សេចក្ដីប្រទូស្ដដល់សត្វនិងសង្ខារទាំងឡាយ
៣-មោហៈ សេចក្ដីវង្វេង ល្ងង់ខ្លៅមិនដឹងតាមសេចក្តីពិតនៃសង្ខារ ។
កិលេសទាំង៣ប្រការនេះលោកហៅថា ភ្លើងធំ ដុតសត្វឲ្យក្ដៅរស់នៅរងទុក្ខខ្លោចផ្សានៅក្នុងវាលវដ្តសង្សារនេះ។ កិលេសទាំងបីនេះកាលបើកើតឡើងក្នុងសន្ដាននៃសត្វណាហើយ ក៏ធ្វើសត្វនោះឲ្យក្ដៅក្រហល់ក្រហាយរសាប់រសល់នៅមិនសុខឡើយ ។
ចែករំលែកព័តមាននេះ