ដឹងអត់! ស្វាមីអតីតបវរកញ្ញាឯកកម្ពុជាយើងជាជនជាតិអ្វី?
- ភ្នំពេញ
រាជធានីភ្នំពេញ ៖ កាលពីយប់មិញនេះ នៅកោះពេជ្រអគារ G មានពិធីជប់លៀងយ៉ាងអធិកអធមក្រៃលែង ដោយក្នុងនោះជាពិធីជប់លៀងមង្គលការរបស់អតីតបវរកញ្ញាឯកកម្ពុជា Miss Global ២០១៦…
រាជធានីភ្នំពេញ ៖ កាលពីយប់មិញនេះ នៅកោះពេជ្រអគារ G មានពិធីជប់លៀងយ៉ាងអធិកអធមក្រៃលែង ដោយក្នុងនោះជាពិធីជប់លៀងមង្គលការរបស់អតីតបវរកញ្ញាឯកកម្ពុជា Miss Global ២០១៦ សូរ្យ អេណា រីឯចំណងស្នេហ៍បានចងក្រងក្បែរ១០ឆ្នាំមកហើយ ដោយបុរសដែលបំបាក់ចិត្ត សូរ្យ អេណា ធ្វើជាប្តីគឺជាសញ្ជាតិបរទេសមកពីហូឡង់។
សូរ្យ អេណា ពិតជាមើលទៅស្រស់សោភាគ្រាគ្រងឈុតប្រពៃណីរៀបការ និងឈុតរាត្រីសមោសរជាមួយផ្ទៃមុខស្រស់ញញឹមទាក់ទាញបានធ្វើឲ្យភ្ញៀវជាច្រើនមានការលើកសរសើរជុំវិញឱកាសឆ្លងដល់ត្រើយសុភមង្គល។ ក្នុងពិធីជល់កែងជប់លៀងនោះ ក្រៅពីសិល្បករ គេក៏ឃើញមានជនជាតិបរទេសមួយចំនួនខាងប្រុសមកចូលរួមផ្តល់ស្នាមញញឹម ដោយម្នាក់ៗគន់មើលកូនកំលោះក្រមុំមិនដាក់ភ្នែកនោះទេ ព្រោះមួយជាបវរកញ្ញាល្បី មួយទៀតជាសាសន៍គេ។
ស្វាមី សូរ្យ អេណា មានវ័យ២០ស្តើងប្អូនកូនក្រមុំ ហើយគិតតែពីញញឹមសើច និងភ្នែកស្រទន់បាញ់ទៅរកភរិយា។ ចំពោះកាយវិការសំពះវិញ គឺសមសួនលក្ខណៈខ្មែរមើលទៅមិនឆ្គងឡើយ។ នេះមានន័យថា អេណា ពិតជាបានពន្យល់ពីវប្បធម៌ប្រពៃណីជាតិខ្មែរចាក់ដោតឲ្យស្វាមីបានជ្រាបមិនធម្មតា ព្រោះក៏ឃើញនាងថតរូបព្រីវីតឌីងជាមួយគ្នានៅតំបន់អង្គរវត្ត រំលេចឈុតពីសម័យអង្គរយ៉ាងស្ញប់ស្ញែង។
អេណា នៅតែបន្តការងារនៅក្នុងប្រទេសតាមរយៈការបង្ហាញបង្ហាត់ជាក្រុមដើរម៉ូដ និងផ្ទេរចំណេះដឹងដល់ប្អូនៗជំនាន់ ក្រោយឲ្យយល់ពីរបៀបរបបដើរបង្ហាញរាងលើវេទិកាបវរកញ្ញាលំដាប់អន្តរជាតិឲ្យសមសួនទទួលយកបាន៕
ចែករំលែកព័តមាននេះ