រាជធានីភ្នំពេញ៖កញ្ញាសំណាង អាលីណា ក្រោយពេលគ្រងមកុដកម្មវិធីប្រឡងMiss Univers Cambodia 2019 កាលពី ពេលថ្មីៗកន្លងមកនេះ នាងត្រូវគេហទំព័រល្បីមួយលើកយកសម្រស់នាងផ្ទឹមនឹងជ័យលាភីប្រទេសវៀតណាម និងឥណ្ឌូណេស៊ី…
រាជធានីភ្នំពេញ៖កញ្ញាសំណាង អាលីណា ក្រោយពេលគ្រងមកុដកម្មវិធីប្រឡងMiss Univers Cambodia 2019 កាលពី ពេលថ្មីៗកន្លងមកនេះ នាងត្រូវគេហទំព័រល្បីមួយលើកយកសម្រស់នាងផ្ទឹមនឹងជ័យលាភីប្រទេសវៀតណាម និងឥណ្ឌូណេស៊ី ។ សម្រាប់អ្នកតើបវរកញ្ញាប្រទេសណាស្អាតជាងគេ ?
កញ្ញាសំណាង អាលីណា វ័យ១៨ឆ្នាំ បានជាប់ជ័យលាភីចំណាត់ថ្នាក់លេខ១ក្នុងការប្រកួតសម្រស់Miss Univers Cambodia 2019ក្នុងវគ្គផ្តាច់ព្រ័ត្រកាលពីរាត្រីថ្ងៃទី៣១ ខែមីនា ឆ្នាំ២០១៩។ អាលីណា បានប្រជែងឈ្នះបេក្ខនារីជាច្រើន។ តាមរយៈជ័យលាភីនេះសំណាង អាលីណា នឹងក្លាយបេក្ខនារីតំណាងកម្ពុជា ឆ្ពោះទៅការប្រកួតបវរកញ្ញាចក្រវាល (Miss Univers) បន្តទៀតនៅចុងឆ្នាំ២០១៩នេះ។
គេហទំព័រASEAN Beauty Pageant ដ៏ល្បីបានលើកយកសម្រស់កញ្ញាសំណាង អាលីណា ប្រៀបធៀបជាមួយបវរកញ្ញាប្រទេសក្នុងតំបន់អាស៊ានពីរទៀត គឺកញ្ញាប្រទេវៀតណាម និងឥណ្ឌូណេស៊ី និងបោះឆ្នោតសាកល្បង ។ មានការចូលរួមចែករំលែក និងបញ្ចេញទស្សនៈ រួមទាំងចូលរួមការបោះឆ្នោតសាកល្បងនោះផងដែរ។
សំណាង អាលីណា បានបង្ហាញឲ្យគ្រប់គ្នា បានឃើញពីសមត្ថភាព និងភាពជឿជាក់របស់នាងក្នុងដំណើរឆ្ពោះទៅទទួលមកុដ «ផ្ការំដួល» តម្លៃជាង១ម៉ឺនដុល្លារអាមេរិក ។ នាងហាក់មានភាពជឿជាក់ខ្ពស់នៅថ្ងៃប្រកួតវគ្គចុងក្រោយនៅសណ្ឋាគាណាហ្គាវើល ។ ជាលទ្ធផលនាងបានយកឈ្នះបេក្ខនារី២៤នាក់ផ្សេងទៀត ដែលមានសមត្ថភាព និងសម្រស់ប្រហាក់ប្រហែលគ្នា។
យុវតីសំណាង អាលីណា ត្រូវគេមើលឃើញថា ជានារីមានភាពក្លាហាន និងជឿជាក់ខ្លាំងលើខ្លួនឯង ។ សម្រស់អាលីណា សក្តិសមទៅនឹងវ័យអ្វីដែលនាងទទួលបាន គឺមកុដជ័យលាភីចំណាត់ថ្នាក់លេខ១ ។ គ្រងសម្លៀកបំពាក់ក្នុងពិធីមើលទៅ ស្រីស្អាតនៅរាជធានីភ្នំពេញរូបនេះ ហាក់មានភាពចាស់ទុំ ប៉ុន្តែជីវិតពិតនៅខាងក្រៅរបស់នាង គឺជាយុវតីមើលទៅបែបស៊ីវីល័យ ៕
ចែករំលែកព័តមាននេះ