ADផ្ទាំងផ្សព្វផ្សាយពាណិជ្ជកម្ម

Picture

អ្វី​ជា​គ្រឿង​សម្គាល់​របស់​បព្វជិត?

4 ឆ្នាំ មុន

តាម​ពិត​ទៅ​អ្នកបួស​មិនមែន​សម្គាល់​ត្រឹមតែ​ការ​ស្លៀក​ស្បង់​គ្រងចីវរ​និង​កោរសក់​ឱ្យ​សីសៈ​ត្រងោល ជា​គ្រឿង​ចំណាំ​នោះ​ក៏​ទេ​ដែរ លក្ខណៈ​សម្គាល់​របស់​បព្វជិត​គឺ​មាន​សភាព​បែប​នេះ ។ អ្នក​ដែល​រម្ងាប់​នូវ​បាប​អកុសល​ទាំងឡាយ​ឲ្យ​ស្ងប់​ទៅ​បាន​ទើប​តថាគត​ហៅ​ថា សមណៈភេទ​អ្នកបួស ព្រោះតែ​គេ​ជា​អ្នក​ស្ងប់រម្ងាប់​នោះ​ឯង​។ ការ​ដែល​ភិក្ខុ​រម្ងាប់​នូវ​បាប សង្រួម​ក្នុង​ឥន្ទ្រិយ​ទាំង​៦​មាន​ចក្ខុន្ទ្រិយ​ជាដើម​ហ្នឹងហើយ ជា​លក្ខណៈ…

តាម​ពិត​ទៅ​អ្នកបួស​មិនមែន​សម្គាល់​ត្រឹមតែ​ការ​ស្លៀក​ស្បង់​គ្រងចីវរ​និង​កោរសក់​ឱ្យ​សីសៈ​ត្រងោល ជា​គ្រឿង​ចំណាំ​នោះ​ក៏​ទេ​ដែរ លក្ខណៈ​សម្គាល់​របស់​បព្វជិត​គឺ​មាន​សភាព​បែប​នេះ ។

អ្នក​ដែល​រម្ងាប់​នូវ​បាប​អកុសល​ទាំងឡាយ​ឲ្យ​ស្ងប់​ទៅ​បាន​ទើប​តថាគត​ហៅ​ថា សមណៈភេទ​អ្នកបួស ព្រោះតែ​គេ​ជា​អ្នក​ស្ងប់រម្ងាប់​នោះ​ឯង​។ ការ​ដែល​ភិក្ខុ​រម្ងាប់​នូវ​បាប សង្រួម​ក្នុង​ឥន្ទ្រិយ​ទាំង​៦​មាន​ចក្ខុន្ទ្រិយ​ជាដើម​ហ្នឹងហើយ ជា​លក្ខណៈ ជា​គ្រឿង​សម្គាល់​របស់​អ្នកបួស​នោះ ។

ចំណែក​អ្នក​ដែល​ឥត​វត្តប្រតិបត្តិ និយាយ​ពាក្យ​ឡេះឡោះ មិន​ត្រូវ​តាម​ធម៌​វិន័យ ជា​អ្នក​សម្បូណ៌​ដោយ​សេចក្ដី​ប្រាថ្នា មានចិត្ត​ជាប់ជំពាក់​ក្នុង​លាភ​លើសលប់ នឹង​ឈ្មោះ​ថា ជា​សមណៈ​មិន​បាន​ឡើយ ។

ឯខាង​ជន​ដែល​ជា​អ្នក​រម្ងាប់​នូវ​បាប​ទាំង​តូច​ទាំង​ធំ​បាន​ដោយ​សព្វគ្រប់ ទើប​តថាគត​ហៅ​ថា សមណៈ ព្រោះតែ​គេ​រម្ងាប់​នូវ​បាប​ទាំងឡាយ​អស់ហើយ ។