ខេត្តស្វាយរៀង ៖ បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងនៅមុននេះបន្តិចថា ទឹកជំនន់កំពុងគម្រាមកំហែងនិង វាយលុកក្នុងស្រុកកំពង់រោទ៍ ធ្វើឲ្យផ្លូវតូចធំមួយចំនួន ក៏ដូចជាលំនៅដ្ឋានរបស់ប្រជាពលរដ្ឋបានត្រូវលិចលង់ ។
សេចក្តីរាយការណ៏បានបន្តថា មកដល់ព្រឹកថ្ងៃទី១៦ តុលា ២០១៣នេះ កម្ពស់ទឹកបានឡើងដល់៣,៥០ម៉ែត្រ លើកម្ពស់ទឹកដែលត្រូវប្រកាសអាសន្ន៤,១០ម៉ែត្រ ហើយទឹកជំនន់ទន្លេមេគង្គនេះធ្លាក់មកពីប្រទេសវៀតណាម ។ នៅក្នុងស្រុកកំពង់រោទ៍មាន១១ឃុំ ស្មើនឹង៨១ភូមិ មកដល់ព្រឹកថ្ងៃទី១៦ តុលានេះដែរ ទឹកជំនន់បានធ្វើឲ្យប៉ះពាល់៤ឃុំ ស្មើនឹង២៥ភូមិ ប្រជាពលរដ្ឋ ២១៤៣នាក់ ស្មើនឹង៥៨៤គ្រួសារ ផ្ទៃដីស្រែ ៣៤៩,៧០ហិកតា លិចលង់ទំាងស្រុង ១៨៨,៥០ហិកតា ខូចខាតទំាងស្រុង ៧៧,៥០ហិកតា ដំណំារួមផ្សំ ៥០អា សត្វពាហនៈ៧២០ក្បាល ផ្ទះ២៩៩ខ្នង ខូចខាតទំនប់ប្រឡាយ១៦០ម៉ែត្រ ថ្នល់៩៩ម៉ែត្រ លិចសាលារៀន១ខ្នង និងវត្តមួយកន្លែង ។
យ៉ាងណាក៏ដោយមិនទាន់មានរបាយការណ៏ពីការបាត់បង់អាយុជីវិតមនុស្សនៅឡើយទេ គិតត្រឹមម៉ោង៩និង០៣នាទីព្រឹកនេះ ៕
ចែករំលែកព័តមាននេះ