យីហោទូរស័ព្ទចិនប្រញាប់ចូលក្នុងទីផ្សារនៅខែមេសា
កាលពីខែមុន ក្រុមហ៊ុន Samsung បានប្រកាសពី Samsung Galaxy S10 ខណៈដែល Huawei បានបង្ហាញពី…
កាលពីខែមុន ក្រុមហ៊ុន Samsung បានប្រកាសពី Samsung Galaxy S10 ខណៈដែល Huawei បានបង្ហាញពី…
កាលពីខែមុន ក្រុមហ៊ុន Samsung បានប្រកាសពី Samsung Galaxy S10 ខណៈដែល Huawei បានបង្ហាញពី Huawei P30 ។ ប៉ុន្តែខែមេសានេះអាចនឹងមានការប្រកាសពីទូរស័ព្ទថ្មីៗបន្ថែមទៀតខណៈដែលក្រុមហ៊ុនស្មាតហ្វូនរបស់ប្រទេសចិនខិតខំបន្ថែមក្នុងការប្រកួតប្រជែងដើម្បីគ្រប់គ្រងទីផ្សារ។
ក្រុមហ៊ុនចិនអាចនឹងចេញស្មាតហ្វូនថ្មីៗចំនួន ៧ គ្រឿងក្នុងរយៈពេល៣០ថ្ងៃខាងមុខនេះ ដែលបង្កើនការប្រកួតប្រជែងខណៈដែលប្រជាជនក្នុងប្រទេសចិនមិនមានចំណាប់អារម្មណ៍ក្នុងការទិញស្មាតហ្វូនច្រើនដូចមុន។
ដើម្បីទាក់ទាញអតិថិជនថ្មីៗ ក្រុមហ៊ុនស្មាតហ្វូនចិនបានចាប់ផ្តើមបង្កើតយីហោតូចៗផ្សេងទៀត។ ក្នុងរយៈពេលមួយឆ្នាំកន្លងមកនេះ ក្រុមហ៊ុនចិនបានបង្កើតយីហោតូចៗជាច្រើនដូចជា Oppo បង្កើត Realme ខណៈដែល Xiaomi បង្កើត Redmi និង Vivo បង្កើត iQOOជាដើម។
ក្រុមហ៊ុនទីមួយដែលនឹងចេញស្មាតហ្វូនថ្មីគឺ Hisense ដែលជាក្រុមហ៊ុនល្បីក្នុងវិស័យទូរទឹកកក ដោយបានចេញស្មាតហ្វូនដំបូងដែលមានកាមេរ៉ា 48 megapixel ក្នុងឆ្នាំនេះ។ ប៉ុន្តែមនុស្សជាច្រើនបានកត់សម្គាល់ថាវាជាផលិតផលដែលមិនទាន់សម្រេចគ្រប់ជ្រុងជ្រោយនៅឡើយទេ ។ នៅថ្ងៃទី៨ មេសា Motorola របស់ Levono ក៏នឹងចេញ G7 Plus សម្រាប់ទីផ្សារប្រទេសចិនដែរ ខណៈដែល ZTE នឹងបង្ហាញពីស្មាតហ្វូនដែលអាចពាក់ធ្វើជានាឡិកាបានឈ្មោះថា Nubia Alpha ។
Nubia ក៏កំពុងតែត្រៀមខ្លួនក្នុងការបង្ហាញពីស្មាតហ្វូនថ្មីក្នុងខែមេសានេះដែរ គឺ Red Magic 3។ យោងទៅតាមពត៌មានដែលបានលេចចេញមកបានឲ្យដឹងថា វានឹងក្លាយជាទូរស័ព្ទទីមួយដែលមានកង្ហារកាត់បន្ថយកម្តៅទូរស័ព្ទសម្រាប់ការលេងហ្គេម។
លើសពីនេះទៅទៀត Oppo នឹងចេញស្មាតហ្វូនថ្មីដែរនៅថ្ងៃទី ១០ខែមេសា ក្រោមយីហោ Reno របស់ពួកគេដែលអាចនឹងមានតម្លៃខ្ពស់ជាងទូរស័ព្ទទូទៅរបស់ Oppo ។ Lenovo Z6 Pro ក៏អាចនឹងត្រូវបានប្រកាសក្នុងខែនេះដែរ ប៉ុន្តែក្រុមហ៊ុននៅមិនទាន់បញ្ជាក់ឲ្យដឹងច្បាស់នៅឡើយទេ ។
ផលិតផលមួយទៀតដែលមានពាក្យចចាមអារាមថាអាចនឹងត្រូវបានប្រកាសក្នុងខែនេះគឺ Honor របស់ក្រុមហ៊ុន Huawei ដោយមានប្រធានយីហោនេះបង្ហើបឲ្យដឹងថាក្រុមហ៊ុននឹងចេញទូរស័ព្ទថ្មីក្នុងពេលឆាប់ៗ ៕
ចែករំលែកព័តមាននេះ