ADផ្ទាំងផ្សព្វផ្សាយពាណិជ្ជកម្ម

Picture

កំណើត​ជា​មនុស្ស​គួរ​ខ្លាច​បាប​អកុសល

4 ឆ្នាំ មុន

អំពើអាក្រក់​បើ​ទោះជា​តិចតួច​ក៏​ដោយ​ចុះ ក៏​គួរ​វៀរ​ឱ្យ​ឆ្ងាយ ព្រោះ​អំពើ​បាប​ឱ្យ​ផល​ជា​ទុក្ខ​មិន​ដែល​នាំ​សុខ​ត្រឡប់​មក​ឱ្យ​អ្នក​ប្រព្រឹត្ត​ទេ បើបាបនោះវាធ្ងន់ធ្ងរពេកនឹងឱ្យផលភ្លាមៗមិនរង់ចាំជាតិក្រោយឡើយ ។ ​នៅ​ក្នុង​មង្គលសូត្រ​ព្រះ​សម្ពុទ្ធ​ទ្រង់​ត្រាស់​ថា ជីវិត​យើង​នេះ​មាន​ប្រមាណ​ខ្លី​ណាស់ បុគ្គល​គួរតែ​មាន​សេចក្តី​សន្តោស​ជា​និច្ច ត្រូវ​រៀន​យោគយល់​ដល់​គ្នា​និង​គ្នា ការ​ប្រព្រឹត្ត​អាក្រក់…

អំពើអាក្រក់​បើ​ទោះជា​តិចតួច​ក៏​ដោយ​ចុះ ក៏​គួរ​វៀរ​ឱ្យ​ឆ្ងាយ ព្រោះ​អំពើ​បាប​ឱ្យ​ផល​ជា​ទុក្ខ​មិន​ដែល​នាំ​សុខ​ត្រឡប់​មក​ឱ្យ​អ្នក​ប្រព្រឹត្ត​ទេ បើបាបនោះវាធ្ងន់ធ្ងរពេកនឹងឱ្យផលភ្លាមៗមិនរង់ចាំជាតិក្រោយឡើយ ។

​នៅ​ក្នុង​មង្គលសូត្រ​ព្រះ​សម្ពុទ្ធ​ទ្រង់​ត្រាស់​ថា ជីវិត​យើង​នេះ​មាន​ប្រមាណ​ខ្លី​ណាស់ បុគ្គល​គួរតែ​មាន​សេចក្តី​សន្តោស​ជា​និច្ច ត្រូវ​រៀន​យោគយល់​ដល់​គ្នា​និង​គ្នា ការ​ប្រព្រឹត្ត​អាក្រក់ ការ​កាប់សម្លាប់ លួច​ប្លន់ ពោល​ពាក្យ​អសុរោះ​មិនមែន​ជា​វិធី​ដោះស្រាយ​បញ្ហា​ឱ្យ​ជីវិត​ខ្លួនឯង​បាន​ប្រសើរ​ឡើយ ។ ផ្ទុយ​មក​វិញ វា​រឹងរឹតតែ​បង្កើត​បញ្ហា និង​កម្ម​ពៀរ​វេរា​មិន​មាន​ឈប់​ឈរ​ឱ្យ​ខ្លួនឯង និង​អ្នក​ដទៃ​ទៅ​វិញ​ទេ ។

អំពើ​សុចរិត​ពី​អតីតជាតិ​ជា​សញ្ញា​រៀបចំ​ជីវិត​ឱ្យ​កើតមក​ក្នុង​កំណើត​ជា​មនុស្ស​នេះ វា​ជាដើម​ទុន​មួយ​យ៉ាង​សំខាន់​សម្រាប់​មនុស្សលោក​រើបម្រះ​ចេញ​អំពី​ពិភព​ខ្មៅ​ងងឹត​នៃ​កម្ម​ពៀរ​វេរា ។ អំពើអាក្រក់ ការ​ព្យាបាទ បៀតបៀន អមនុស្សធម៌ វា​ជា​អន្លង់​ភក់​នៃ​កាមគុណ​តែ​ប៉ុណ្ណោះ វា​ជា​ការ​បម្រើ​កិលេស​ពិត​ៗ និង​វា​ជា​ការងារ​ដ៏​ថោកទាប​សៅហ្មង​សម្រាប់​កំណើត​របស់​ខ្លួន ។

មនុស្ស​កើតឡើង​ដោយ​បុណ្យ​កុសល​អំពី​ជាតិ​មុន​មាន​តម្លៃ​ស្មើគ្នា​នឹង​ព្រហ្មចរិយធម៌ ព្រោះ​មនុស្ស​អាច​ប្រព្រឹត្ត​ព្រហ្មចរិយធម៌​បាន មិន​ត្រូវ​បណ្តោយ​ប្រាណ​ដោយ​ក្តី​ប្រមាទ​ឱ្យ​មានការ​លង់​លិច​ក្នុង​អន្លង់​ខ្មៅ​ងងឹត ធ្វើ​ជីវិត​ឱ្យ​ថោកទាប​នោះ​ឡើយ អ្នកប្រាជ្ញ​បាន​ពោល​ថា ជីវិត​នេះ​មាន​ប្រមាណ​តិច​ណាស់ ខ្លី​ណាស់ ។

ជីវិត​នេះ​ជា​របស់​ខ្ចី​គេ ដូច្នេះ​ក្នុង​មួយ​កំណើត​មនុស្ស​នេះ មាន​ភារកិច្ច​ប្រព្រឹត្ត​ព្រហ្មចរិយធម៌ រួច​ហើយ​ត្រូវ​សង​ជីវិត​នេះ​ឱ្យទៅ​ម្ចាស់​របស់​គេ​គឺ ជរា មរណៈ​វិញ មិន​អាច​អ្នក​ណា​ម្នាក់​គេច​ផុត ចៀស​រួច​បាន​ឡើយ ។