ADផ្ទាំងផ្សព្វផ្សាយពាណិជ្ជកម្ម

Picture

អ្នកបួស​មាន​កិរិយាមារយាទ​ដទៃ​ពី​គ្រហស្ថ

4 ឆ្នាំ មុន

ព្រះសង្ឃ​ជា​ឧត្តមភេទ ដូច្នេះ​ដើម្បី​បាន​នាម​ឱ្យ​សម​ទៅ​នឹង​ឧត្តមភេទ​នោះ គប្បី​ពិចារណា​ថា អាត្មាអញ​ត្រូវ​តែ​ទ្រទ្រង់​នូវ​គុណធម៌ ប្រតិបត្តិ​នូវ​ត្រៃសិក្ខា​ឱ្យ​បាន​ខ្ជាប់ខ្ជួន​សង្រួម​ឥន្ទ្រិយ​ជា​និច្ច ឬ​ក៏​ពិចារណា​ថា ឥឡូវនេះ អា​ត្មា​​​អញ​មាន​ភេទ​ផ្សេង​អំពី​គ្រហស្ថ​ហើយ កិរិយាមារយាទ​ណា​ៗ ដែល​ជា​របស់​អ្នកបួស…

ព្រះសង្ឃ​ជា​ឧត្តមភេទ ដូច្នេះ​ដើម្បី​បាន​នាម​ឱ្យ​សម​ទៅ​នឹង​ឧត្តមភេទ​នោះ គប្បី​ពិចារណា​ថា អាត្មាអញ​ត្រូវ​តែ​ទ្រទ្រង់​នូវ​គុណធម៌ ប្រតិបត្តិ​នូវ​ត្រៃសិក្ខា​ឱ្យ​បាន​ខ្ជាប់ខ្ជួន​សង្រួម​ឥន្ទ្រិយ​ជា​និច្ច ឬ​ក៏​ពិចារណា​ថា ឥឡូវនេះ អា​ត្មា​​​អញ​មាន​ភេទ​ផ្សេង​អំពី​គ្រហស្ថ​ហើយ កិរិយាមារយាទ​ណា​ៗ ដែល​ជា​របស់​អ្នកបួស អាត្មាអញ​ត្រូវ​តែ​ធ្វើ​ឱ្យ​បាន អាត្មាអញ​មិន​ត្រូវ​ប្រព្រឹត្ត​ល្មើស​ខុស​ធម៌​វិន័យ​របស់​បព្វជិត​ឡើយ ។

ព្រះ​ដ៏​មានបុណ្យ​ទ្រង់​ត្រាស់​ថា ធម្មតា​ស្លឹក​ស្បូវ​ដែល​បុគ្គល​ចាប់​កាន់​មិនល្អ ហើយ​ទាញ​ភើច​មក តែង​មុត​ដៃ មាន​ឧបមា​យ៉ាងណា ផ្នួស​ដែល​អ្នកបួស​ណាមួយ​កាន់​មិនល្អ ប្រព្រឹត្ត​ខុសច្បាប់​វិន័យ​របស់​បព្វជិត​រមែង​ទាញ​យក​អ្នកបួស​នោះ​ឲ្យ​ចូល​ទៅ​ក្នុង​អបាយភូមិ​ក៏​មាន​ឧបមេយ្យ​យ៉ាងនោះ​ដែរ ។

ការងារ​ឯណា​មួយ​ដែល​ធូរ​ថយ​ក្ដី វត្ត​គឺ​សេចក្ដី​ប្រព្រឹត្ត​ឯណា​នីមួយ​ដែល​សៅហ្មង​ក្ដី ព្រហ្មចរិយា​ឯណា​នីមួយ​ដែល​បុគ្គល​មិន​ប្រតិបត្តិ​ឱ្យ​ម៉ត់ចត់​ក្ដី ទាំង​៣​យ៉ាងនេះ​ជា​ការ​មិន​មាន​ផល​ច្រើន​ឡើយ ។

កាលបើ​បុគ្គល​នឹង​ធ្វើ​នូវ​កិច្ច​អ្វី​ៗ​ដែល​ជា​កិច្ច​គួរ​ធ្វើ ក៏​គប្បី​ធ្វើ​កិច្ច​នោះ​ៗ​ចុះ តែ​ត្រូវ​ខំ​ខ្នះខ្នែង​ធ្វើ​កិច្ចការ​នោះ​ឲ្យ​មែនទែន កុំ​គ្រាន់តែ​ថា ព្រោះ​ធម៌​វិន័យ​ជា​គ្រឿង​អប់រំ​កាយ វាចា ចិត្ត ដែល​បុគ្គល​ប្រព្រឹត្ត​ធូរ​ថយ​ហើយ តែង​ត្រឡប់​ឱ្យ​ផល​ជា​ទោស​វិញ​។