រាជធានីភ្នំពេញ៖កញ្ញាសំណាង អេលីណា រំភើបរីករាយយ៉ាងខ្លាំងនៅពេលឈ្មោះរបស់នាងប្រកាសឲ្យគ្រងតំណែង«បវរកញ្ញាចក្រវាលកម្ពុជាឆ្នាំ២០១៩» ។ ការប្រកួតវគ្គផ្តាច់ព័ត្រធ្វើឡើងកាលពីយប់ថ្ងៃទី៣១ ខែមីនា ឆ្នាំ២០១៩ នៅក្នុងសាលមហោស្រពណាបា នៃសណ្ឋាគារណាហ្គាវើល ។…
រាជធានីភ្នំពេញ៖កញ្ញាសំណាង អេលីណា រំភើបរីករាយយ៉ាងខ្លាំងនៅពេលឈ្មោះរបស់នាងប្រកាសឲ្យគ្រងតំណែង«បវរកញ្ញាចក្រវាលកម្ពុជាឆ្នាំ២០១៩» ។ ការប្រកួតវគ្គផ្តាច់ព័ត្រធ្វើឡើងកាលពីយប់ថ្ងៃទី៣១ ខែមីនា ឆ្នាំ២០១៩ នៅក្នុងសាលមហោស្រពណាបា នៃសណ្ឋាគារណាហ្គាវើល ។ នៅរាត្រីដ៏អធិកអធមនោះកញ្ញា សំណាង អេលីណា ក៏ទទួលបានពានរង្វាន់គ្រងឈុតប្រពៃណីខ្មែរបានស្អាតជាងគេផងដែរ ។
ចំណាត់ថ្នាក់លេខ២បានទៅលើកញ្ញាថោង ម៉ាឡា ។ ចំណាត់ថ្នាក់លេខ៣ កញ្ញាចន សុទីម៉ា ។ ចំណាត់ថ្នាក់លេខ៤កញ្ញាប៉ូគឹមថេង សុធីតា ។ ចំណាត់ថ្នាក់លេខ៥ កញ្ញាបុណ្យ កញ្ជនាធីតា ។
កញ្ញាសំណាង អេលីណា អាយុ១៨ឆ្នាំ មានប្រភពកំណើតនៅរាជធានីភ្នំពេញ ជានិស្សិតនៅសាកលវិទ្យាល័យបញ្ញាសាស្ត្រ សិក្សាផ្នែកទំនាក់ទំនងអន្តរជាតិ ។ ស្រីស្អាតរូបនេះបានយកឈ្នះក្នុងការប្រកួតប្រជែងជាមួយបេក្ខនារី២៤នាក់ផ្សេងទៀត ដោយនាងបានបង្ហាញសមត្ថភាពដ៏ល្អនៅពីមុខគណៈកម្មការ ។
សំណាង អាលីណា បានបង្ហាញឲ្យអ្នកចូលរួមទស្សនាឃើញពីសមត្ថភាព និងភាពជឿជាក់របស់នាងក្នុងដំណើរឆ្ពោះទៅគ្រងមកុដ «ផ្ការំដួល»តម្លៃជាង១ម៉ឺនដុល្លារអាមេរិកដោយរចនាឡើងពីប្រាក់សុទ្ធ និងដាំត្បូងពីខេត្តរតនគិរី អមដោយត្បូងពេជ្រចំនួន១១៣៣ គ្រាប់ទៀត ។ នាងបានឆ្លើយតបទៅនឹងសំណួរយ៉ាងស្វាហាប់ និងមានការជឿជាក់ខ្ពស់។
នៅពេលប្រកាសឈ្មោះឲ្យទទួលជ័យលាភីប្រកបដោយកិត្តិយសនេះ សំណាង អាលីណា ដែលមើលទៅអង់អាច ស្វាហាប់ និងជឿជាក់ មិនអាចទប់ទឹកភ្នែកបាន ។ តាមរយៈជ័យលាភី«បវរកញ្ញាចក្រវាលកម្ពុជាឆ្នាំ២០១៩» សំណាង អាលីណា នឹងក្លាយបេក្ខនារីតំណាងកម្ពុជាឆ្ពោះទៅការប្រកួតបវរកញ្ញាចក្រវាល (Miss Univers) នៅពេលខាងមុខ ។
សំណាង អាលីណា កន្លងមកធ្លាប់ទទួលបានជ័យពីការប្រកួត Miss University កាលពីឆ្នាំ២០១៧ ដោយនៅក្នុងនោះនាងបានឈ្នះរង្វាន់ Miss Virtue និងឈ្នះពានរង្វាន់ Miss of The Best Live Gown។
ម្ចាស់ជ័យលាភីឆ្នាំមុន គឺកញ្ញារឿន ណាត បានតំណាងកម្ពុជាចូលរួមប្រកួតបវរកញ្ញាចក្រវាលជាមួយនឹងបេក្ខនារីជាច្រើនប្រទេស តែមិនទទួលបានលទ្ធផលល្អទេ ៕
ចែករំលែកព័តមាននេះ