នាង Kim Tae Hee តារាបង្ហាញម៉ូដដ៏ស្រស់ស្អាតបានដើរតួជាអ្នកឃោសនាតាមប្រព័ន្ធ «YouTube» ឲ្យក្រុមហ៊ុនមួយកាលពីពេលថ្មីៗកន្លងមក ។ នេះជារូបថតលើកដំបូងរបស់នាងក្រោយពីប្រកាសថាបានពពោះជាលើកទី២ ។
លោក Rain និង Kim Tae Hee ជាគូស្វាមីភរិយានៅក្នុងក្រុមចម្រៀង K-pop ទើបប្រកាសពីដំណឹងល្អកាលពីថ្ងៃទី២៦ កុម្ភៈ ថានាងកំណត់ពេលសម្រាលនៅក្នុងខែកញ្ញា ខាងមុខ ក្រោយពីពួកគេមានកូនស្រីលើកដំបូងកាលពីខែតុលា២០១៧ ។
ទិដ្ឋភាពនៃការឃោសនាផលិតផលនោះបានធ្វើឡើងនៅពាក់កណ្ដាលខែកុម្ភៈ កន្លងមក មានន័យថា តារាម៉ូដអាយុ៣៨ឆ្នាំរូបនេះមានគភ៌លើកទី២ និងធ្វើឲ្យទស្សនិកជនជាច្រើនពេញចិត្ត ទោះបីជានាងមានគភ៌ក៏ពិតមែន ប៉ុន្តែសម្រស់ក៏មិនថមថយទេ ៕
ចែករំលែកព័តមាននេះ