Nicole Kidman តារាសម្តែងស្រីល្បីជួបនឹងក្ដីឈឺចាប់ និងអាប់ឱនកិត្តិយស នៅពេលលោក Tom Cruise អតីតស្វាមីហាមមិនឲ្យនាងចូលរួមក្នុងពិធីរៀបអាពាហ៍ពិពាហ៍របស់ Connor Cruise កូនប្រុសចិញ្ចឹមរបស់ពួកគេ ។ នេះបើតាមការបញ្ជាក់ពី radaronline.com ។
សារព័ត៌មានជាច្រើនបានផ្សាយស្របគ្នាថា លោក Connor Cruise បានឈ្វេងយល់ពីលទ្ធិ «Scientology» និងស្ថានភាពរស់នៅ រួមទាំងមានគម្រោងរៀបការជាមួយនារីដ៏ស្រស់ស្អាតជនជាតិអ៊ីតាលី ។ ពិធីមង្គលការនោះតារាសម្តែងពានរង្វាន់អូស្ការ នាងនីខូល ឃីដម៉េន អាយុ៥១ឆ្នាំមិនត្រូវបានអញ្ជើញឲ្យចូលរួមទេ ដោយអតីតប្ដីហាមឃាត់ ។
គូស្នេហ៍របស់លោក Connor Cruise មកពីក្រុមគ្រួសារពេញនិយមលើលទ្ធិ «Scientology» ផ្លាស់ចេញពីអ៊ីតាលីទៅរស់នៅក្នុងក្រុងខ្លៀវ័រធ័រ (Clearwater) រដ្ឋផ្លរីដា ជាទីតាំងដែលនាងបានចាប់ចិត្តលើលោក Connor Cruise អតីតឌីចេ (DJ) បច្ចុប្បន្នមានអាជីពជាអ្នកមុជទឹក ។
ចំណែកលោក Tom Cruise អាយុ៥៦ឆ្នាំ បានលែងលះជាមួយនាង Nicole Kidman នៅឆ្នាំ២០០១ ហើយបានសិទ្ធិចិញ្ចឹម Connor Cruise និងនាង លីហ្សា បែលឡា ៕
ចែករំលែកព័តមាននេះ