បញ្ហាធំជាងគេនៃជីវិតគឺការវក់វីនឹងកិលេសកាម ចំណង់ក្នុងគ្រឿងសៅហ្មងទាំងពួង តែងដុតរោលសត្វលោកឱ្យក្តៅក្រហាយ ឱ្យមានទុក្ខច្រើន មានសេចក្តីចង្អៀតចង្អល់ទល់អារម្មណ៍ខ្លាំងក្លា រស់នៅមិនបានសុខទេ ។
បញ្ហារបស់សត្វលោកមិនមែនថាព្រះពុទ្ធសាសនាខ្វះមធ្យោបាយជួយដោះស្រាយនោះទេ ពុទ្ធសាសនាក៏មានទិសដៅនាំអ្នកបដិបត្តិទៅរកទីបំផុតនៃសេចក្តីទុក្ខដែរ តែសំខាន់ ឲ្យតែអ្នកទាំងឡាយនោះព្រមឃើញថា កិលេសក្នុងខ្លួនជាសត្រូវធំក្នុងជីវិតពិតប្រាកដ ព្រមឃើញថាកិលេសក្នុងខ្លួនជាសត្រូវនឹងខ្លួនឯងទៅ ប្រាកដជានឹងបានសុខហើយ ។
ឯការរំលត់ទុក្ខក្នុងគ្រួសារ ព្រះពុទ្ធសាសនាបានផ្តល់ជាគំនិត៤ ចំណុចសម្រាប់អ្នកគ្រប់គ្រងផ្ទះទាំងឡាយគឺ សច្ចៈពោលពាក្យទៀងត្រង់, ទមៈអប់រំទូន្មានចិត្តឱ្យល្អ, ខន្តិអត់ធន់ និងចាគៈ លះទ្រព្យបំពេញទាន ។
គ្រួសារណាយកគោលធម៌៤ប្រការនេះធ្វើជាច្បាប់វិន័យសម្រាប់គ្រប់គ្រងផ្ទះ គ្រួសារនោះនឹងបញ្ចៀសនូវបញ្ហាផងទាំងពួងបាន ពេលនោះសុភមង្គលនៃគ្រួសារប្រាកដជានឹងកើតមានជាក់ជាមិនខាន ។
ចែករំលែកព័តមាននេះ