ខេត្តបន្ទាយមានជ័យ ៖ បុរសម្នាក់មានជំងឺមហារីកបេះដូងធ្ងន់ធ្ងរ ត្រូវបានគ្រូពេទ្យនិយាយថា ជំងឺនេះមើលមិនជានោះទេ និងអនុញ្ញាតឱ្យក្រុមគ្រួសារដឹកចេញពីមន្ទីរពេទ្យយកត្រឡប់ទៅផ្ទះវិញ លុះពេលក្រុមគ្រួសារដឹកជនរងគ្រោះតាមម៉ូតូធ្វើដំណើរតាមផ្លូវ ស្រាប់តែជំងឺធ្វើទុក្ខខ្លាំងក៏បានស្លាប់នៅតាមផ្លូវ បង្កឲ្យមានការភ្ញាក់ផ្អើលនេះកាលពីវេលាម៉ោង៥ល្ងាចថ្ងៃទី៣០ ខែមីនា…
ខេត្តបន្ទាយមានជ័យ ៖ បុរសម្នាក់មានជំងឺមហារីកបេះដូងធ្ងន់ធ្ងរ ត្រូវបានគ្រូពេទ្យនិយាយថា ជំងឺនេះមើលមិនជានោះទេ និងអនុញ្ញាតឱ្យក្រុមគ្រួសារដឹកចេញពីមន្ទីរពេទ្យយកត្រឡប់ទៅផ្ទះវិញ លុះពេលក្រុមគ្រួសារដឹកជនរងគ្រោះតាមម៉ូតូធ្វើដំណើរតាមផ្លូវ ស្រាប់តែជំងឺធ្វើទុក្ខខ្លាំងក៏បានស្លាប់នៅតាមផ្លូវ បង្កឲ្យមានការភ្ញាក់ផ្អើលនេះកាលពីវេលាម៉ោង៥ល្ងាចថ្ងៃទី៣០ ខែមីនា ឆ្នាំ២០១៩ នៅចំណុចភូមិប៉ោយសំរោង ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ ។
លោកវរសេនីយ៍ឯក មាស ប្ញទ្ធី អធិការនគរបាល ស្រុកព្រះនេត្រព្រះ បានឲ្យដឹងថា ជនរងគ្រោះ ដែលស្លាប់ឈ្មោះ មិន មឿង ភេទប្រុស អាយុ២៦ឆ្នាំ នៅភូមិព្រីងជូ ឃុំភ្នំលាប ស្រុកព្រះនេត្រព្រះ ខេត្តបន្ទាយមានជ័យ។
លោកអធិការបានបញ្ជាក់ថា បើតាមការរៀបរាប់ពីម្តាយរបស់ជនរងគ្រោះបាននិយាយប្រាប់សមត្ថកិច្ចឱ្យដឹងថា កូនប្រុសរបស់គាត់កើតជំងឺមហារីកបេះដូងធ្ងន់ធ្ងរ ដោយគ្រូពេទ្យបាននិយាយថា ជំងឺនេះមិនអាចមើលជាឡើយ និងបានអនុញ្ញាតឱ្យក្រុមគ្រួសារនាំចេញពីមន្ទីរពេទ្យ ។
ប្រភពដដែលបានបន្តថា ពេលនោះគាត់ជាម្តាយបានឲ្យប្អូនស្រីជាអ្នកឌុបជនរងគ្រោះត្រឡប់មកផ្ទះវិញ ដោយគាត់អង្គុយទប់ពីក្រោយ ។ លុះពេលធ្វើដំណើរមកដល់ចំណុចមុខផ្ទះឈ្មោះ ម៉ង់ សារ៉ា ភេទប្រុស អាយុ៦៧ឆ្នាំ នៅភូមិប៉ោយសំរោង ឃុំព្រះនេត្រព្រះ ស្រុកព្រះនេត្រព្រះ ស្រាប់តែជំងឺរបស់កូនប្រុសគាត់ធ្វើទុក្ខយ៉ាងខ្លាំង ពួកគាត់ក៏ឈប់ម៉ូតូមួយសន្ទុះដើម្បីធ្វើចលនា ពេលនោះកូនរបស់គាត់បានស្លាប់បាត់តែម្តង ។
ក្រោយពេលកើតហេតុ សពជនរងគ្រោះត្រូវបានក្រុមគ្រួសាររៀបចំធ្វើបុណ្យតាមប្រពៃណី ៕
ចែករំលែកព័តមាននេះ