រាជធានីភ្នំពេញ ៖ បុរសជនអនាថាម្នាក់សង្ស័យផឹកស្រាលើសកម្រិត បណ្ដាលឱ្យក្អួតឈាមស្លាប់នៅច្រកឌឿងហែម បង្កឱ្យមានការភ្ញាក់ផ្អើលដល់សម្ថតកិច្ចចុះមកពិនិត្យ ហេតុការណ៍នេះកើតឡើងកាលពីម៉ោង៨និង៣០នាទីយប់ ថ្ងៃទី២៣ ខែមីនា ឆ្នាំ២០១៩ ចំណុចផ្លូវឌឿងហែមលេខ១៣៩…
រាជធានីភ្នំពេញ ៖ បុរសជនអនាថាម្នាក់សង្ស័យផឹកស្រាលើសកម្រិត បណ្ដាលឱ្យក្អួតឈាមស្លាប់នៅច្រកឌឿងហែម បង្កឱ្យមានការភ្ញាក់ផ្អើលដល់សម្ថតកិច្ចចុះមកពិនិត្យ ហេតុការណ៍នេះកើតឡើងកាលពីម៉ោង៨និង៣០នាទីយប់ ថ្ងៃទី២៣ ខែមីនា ឆ្នាំ២០១៩ ចំណុចផ្លូវឌឿងហែមលេខ១៣៩ ស្ថិតក្នុងភូមិ២ សង្កាត់វាល់វង ខណ្ឌ៧មករា ។
សម្ថតកិច្ចបានប្រាប់ឱ្យដឹងថា សពបុរសដែលដេកស្លាប់នេះមានឈ្មោះ ឆុន យ៉ុម ភេទប្រុស អាយុ៤០ឆ្នាំ មុខរបររើសអេតចាយ ស្នាក់នៅមិនពិតប្រាកដ។
ប្រភពពីសមត្ថកិច្ចប្រាប់ឱ្យដឹងថា បុរសដែលដេកស្លាប់នេះជាជនអនាថាដើររើសអេតចាយ គ្មានផ្ទះសម្បែងស្នាក់នៅនោះទេ ដោយអាស្រ័យដេកតាមមុខផ្ទះរបស់ប្រជាពលរដ្ឋ និងតាមច្រកឌឿងហែម លុះដល់ថ្ងៃកើតហេតុក៏មានប្រជាពលរដ្ឋរាយការណ៍ថា មានបុរសជនអនាថាដេកស្លាប់ក្នុងច្រកឌឿងហែមខាងក្រោយសាលាឯកជនមួយកន្លែង ម្តុំផ្សារឌុយមិច ។
សមត្ថកិច្ចបន្តថា ភ្លាមនោះកម្លាំងសមត្ថកិច្ចចុះទៅដល់កន្លែងកើតហេតុ និងទំនាក់ទំនងទៅសមត្ថកិច្ចការិយាល័យបច្ចេកទេស វិទ្យាស្ត្រាសចុះមកត្រួតពិនិត្យ តែជំហ៊ានដំបូងសមត្ថកិច្ចសន្ឋិដ្ឋានថា សពបុរសខាងលើនេះគឺស្លាប់ដោយសារតែផឹកស្រា លើសកម្រិតធ្លាយក្រពះ បណ្ដាលឱ្យក្អួតឈាមស្លាប់តែម្ដង។
ក្រោយពេលកើតហេតុសមត្ថកិច្ចបានដឹកសពជនអនាថាខាងលើ យកទៅបូជានៅវត្តទឹកថ្លា៕
ចែករំលែកព័តមាននេះ