ខ្យល់កន្ត្រាក់វាយប្រហារផ្ទះ និងសាលារៀនអស់ជាច្រើនខ្នង
- បន្ទាយមានជ័យ
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានឲ្យដឹងថា កាលយប់ថ្ងៃទី១៥ ខែ មីនា ឆ្នាំ២០១៩…
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានឲ្យដឹងថា កាលយប់ថ្ងៃទី១៥ ខែ មីនា ឆ្នាំ២០១៩…
ខេត្តបន្ទាយមានជ័យ ៖ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យបានឲ្យដឹងថា កាលយប់ថ្ងៃទី១៥ ខែ មីនា ឆ្នាំ២០១៩ នៅស្ទើរតែទូទាំងខេត្ត គឺមានភ្លៀងធ្លាក់តិច និងច្រើន និងមានបាតុភូតខ្យល់កន្ត្រាក់បានបក់បោកយ៉ាងខ្លាំង បណ្តាលឲ្យលំនៅដ្ឋានរបស់ប្រជាពលរដ្ឋចំនួន៣០ខ្នង ក្នុងនោះសាលារៀនចំនួន២ខ្នង រងនូវការខូចខាត រួមទាំងដើមឈើ ដំណាំហូបផ្លែ ក៏រងនូវការដួលរលំផងដែរ។
លោកឧត្តម សេនីយ៍ ស្នងការបានបញ្ជាក់ថា ស្រុកថ្មពួករងការខូចខាតផ្ទះប្រជាពលរដ្ឋចំនួន៦ខ្នង និងសាលារៀន២ខ្នង ក្នុងនោះលើឃុំគោករមៀតរងការខូចខាតផ្ទះចំនួន៤ខ្នង សាលារៀន១ ខ្នង , ឃុំគំរូរងការខូចខាតផ្ទះ៣ខ្នង, ឃុំថ្មពួករងការខូចខាតសាលារៀន១ខ្នង ។
ស្រុកម៉ាឡៃបានរងការខូចខាតផ្ទះចំនួន១២ខ្នង នៅក្នុងឃុំតាគង់, ស្រុកព្រះនេត្រព្រះរងការខូចខាតផ្ទះចំនួន៥ខ្នង នៅក្នុងឃុំទានកម្ម , ក្រុងប៉ោយប៉ែតរងការខូចខាតផ្ទះចំនួន២ខ្នង នៅក្នុងសង្កាត់និមិត្ត, ស្រុកស្វាយចេករងការខូចខាតផ្ទះចំនួន៥ខ្នង នៅក្នុងឃុំស្លក្រាម និងមាន ដើមឈើ ដំណាំរបស់ប្រជាពលរដ្ឋ ដួលរលំផងដែរ ។ នេះគឺគ្រាន់តែតួលេខបឋម ។
លោក ឧត្តមសេនីយ៍ទោ អាត់ ខែម បានបញ្ជាក់ថា៖ ក្នុងហេតុការណ៍ខ្យល់កន្ត្រាក់នេះ គឺពុំមានគ្រោះថ្នាក់ដល់ប្រជាពលរដ្ឋនោះឡើយ ។ នៅថ្ងៃទី១៦ មីនា នេះ កងកម្លាំនគរបាល ក៏ដូចជាកម្លាំងកងពលតូចថ្មើជើងលេខ៥១ ក៏បានចុះជួយជុលផ្ទះប្រជាពលរដ្ឋ ក៏ដូចជាសាលារៀនផងដែរ៕
ចែករំលែកព័តមាននេះ