ប្រទេសអេត្យូពី ះ ក្រុមហ៊ុនអាកាសចរណ៍អេត្យូពី ETHIOPIAN AIRLINESរាយការណ៍នាថ្ងៃទី១១មីនាថា ពួកអ្នកសើុបអង្កេតបានរកឃើញហើយប្រអប់ខៅ្មទាំង២ របស់យន្តហោះដឹកអ្នកដំណើរ ក្រុមហ៊ុននេះធុនប៊ូអីុង737MAX8 ដែលធ្លាក់កាលពីថ្ងៃទី១០មីនា ក្រោយហោះចេញបន្តិចពីក្រុងអាឌីសអាបេបា…
ប្រទេសអេត្យូពី ះ ក្រុមហ៊ុនអាកាសចរណ៍អេត្យូពី ETHIOPIAN AIRLINESរាយការណ៍នាថ្ងៃទី១១មីនាថា ពួកអ្នកសើុបអង្កេតបានរកឃើញហើយប្រអប់ខៅ្មទាំង២ របស់យន្តហោះដឹកអ្នកដំណើរ ក្រុមហ៊ុននេះធុនប៊ូអីុង737MAX8 ដែលធ្លាក់កាលពីថ្ងៃទី១០មីនា ក្រោយហោះចេញបន្តិចពីក្រុងអាឌីសអាបេបា ទៅកាន់ទីក្រុងណៃរ៉ូប៊ីកេនយ៉ា។
ប្រអប់ខ្មៅទាំង២នោះត្រូវបានរកឃើញនៅកន្លែងយន្តហោះធ្លាក់។ គ្រោះមហន្តរាយធ្លាក់យន្តហោះធុននេះ ដែលពេញនិយមបំផុតលើពិភពលោក នាំឲ្យក្រុមហ៊ុនអាកាសចរណ៍ទាំងឡាយ ដូចជាក្រុមហ៊ុនអាកាសចរណ៍អេត្យូពី ចិន ឥណ្ឌូណេសីុ កូរ៉េខាងត្បូង ឥណ្ឌូណេសីុ ម៉ុងហ្គោលី សិង្ហបុរី អូស្ត្រាលី។ល។ផ្អាកមិនឲ្យយន្តហោះប៊ូអីុង737MAX8ហោះហើរ។ ក្រុមហ៊ុនអាកាសចរណ៍CAYMAN AIRWAYS ក៏សម្រេចរក្សាទុកនៅលើដីបណ្ដាយន្តហោះប្រភេទនេះដែរ រួចឥណ្ឌាប្រកាសពីការត្រួតពិនិត្យសន្តិសុខ។
ចំណែកពួកអ្នកបើកយន្តហោះក្រុមហ៊ុនអាហ្សង់ទីន AEROLINERS ARGENTINAS ប្រកាសថា ពួកគេបដិសេធមិនបើកយន្តហោះប៊ូអីុង737MAX រហូតទទួលបានព័ត៌មាននិងការធានាគ្រប់គ្រាន់។ ភាគហ៊ុនរបស់ក្រុមហ៊ុនប៊ូអីុង នាថ្ងៃទី១១មីនាបានធ្លាក់ថ្លៃ១០% មុនពេលងើបបន្តិចឡើងវិញ។
ការធ្លាក់យន្តហោះអេត្យូពីនោះ បណ្ដាលឲ្យអ្នកជិះទាំង១៥៧នាក់ស្លាប់ទាំងអស់។ ជនរងគ្រោះមានសញ្ជាតិផ្សេងៗគ្នាដល់ទៅជាង៣០សញ្ជាតិ ក្នុងនោះមាននិយោជិតអង្គការសហប្រជាជាតិ២២នាក់។ សាក្សីម្នាក់ជាម្ចាស់កសិដ្ឋានមួយ ដែលបានឃើញទិដ្ឋភាពនាឱកាសយន្តហោះធ្លាក់រៀបរាប់ថា ខ្ញុំឃើញយន្តហោះនោះប៉ុនប៉ងហោះឡើងទៅលើវិញ ហើយឃើញផ្សែងសហុយចេញ ព្រមទាំងសម្លៀកបំពាក់និងរបស់របរនានាធ្លាក់ចុះ រួចយន្តហោះក៏ធ្លាក់។
នៅកន្លែងយន្តហោះធ្លាក់បណ្ដាមនុស្សរបស់កាកបាទក្រហម នាថ្ងៃទី១១មីនាខិតខំដើរប្រមូលបណ្ដាសាកសពមនុស្សព្រមទាំងរបស់របរជនរងគ្រោះ។ ក្រៅពីនេះនៅទីតាំងនោះមានបណ្ដាពលករមនុស្សធម៌ ក្រុមគ្រូពេទ្យនិងបណ្ដាសាស្ត្រាចារ្យ។ ក្រុមហ៊ុនETHIOPIAN AIRLINESបញ្ជាក់ថា អ្នកបើកសំខាន់របស់យន្តហោះនោះលោកYARED GETACHEW ជាអ្នកមានសញ្ជាតិ២អេត្យូពីនិងកេនយ៉ា ជាអ្នកបើកយន្តហោះមានបទពិសោធន៍ច្រើន ធ្លាប់បើកយន្តហោះអស់ពេលដល់ជាង៨០០០ម៉ោង។
សហរដ្ឋអាមេរិកនឹងតម្រូវឲ្យក្រុមហ៊ុនប៊ូអីុងធ្វើការកែប្រែនានា ចំពោះយន្តហោះប៊ូអីុង737MAX8និង737MAX9 តែពុំតម្រូវឲ្យយន្តហោះទាំងនោះផ្អាកការហោះហើរឡើយ។ ទីភ្នាក់ងារអាកាសចរណ៍សហព័ន្ធFAA កាលពីថ្ងៃទី១១មីនា បានស្នើដល់ប៊ូអីុងធ្វើការកែប្រែនានាយ៉ាងយូរបំផុតក្នុងខែមេសា៕
ចែករំលែកព័តមាននេះ