ខេត្តបាត់ដំបង ៖ បុរស៤នាក់ដែលមានមុខរបរផ្សេងៗគ្នា គឺមានកម្មករសំណង់, ជាងឈើ,ជាងចម្លាក់ និង មានទាំងអ្នកលក់មាន់ផង ត្រូវកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីវេលាម៉ោង៦ល្ងាចថ្ងៃទី១២ មីនា…
ខេត្តបាត់ដំបង ៖ បុរស៤នាក់ដែលមានមុខរបរផ្សេងៗគ្នា គឺមានកម្មករសំណង់, ជាងឈើ,ជាងចម្លាក់ និង មានទាំងអ្នកលក់មាន់ផង ត្រូវកម្លាំងកងរាជអាវុធហត្ថឃាត់ខ្លួនជាបន្តបន្ទាប់ កាលពីវេលាម៉ោង៦ល្ងាចថ្ងៃទី១២ មីនា ស្ថិតនៅភូមិចំការសំរោង២ សង្កាត់ចំការសំរោង ក្រុងបាត់ដំបង បន្ទាប់ពីពួកគេបានផ្លាស់ប្ដូរមុខរបរខាងលើទៅជួញដូរគ្រឿងញៀនដែលបានកម្រៃយ៉ាងខ្ពស់នោះ ។
ជនសង្ស័យទាំង៤នាក់ រួមមាន ១-ឈ្មោះឡឹក រ៉ុម អាយុ៣០ឆ្នាំ ជាងចម្លាក់ នៅភូមិចំការសំរោង២ សង្កាត់ចំការសំរោង ២-ឈ្មោះហឿង ទី ហៅប៉ូ អាយុ៤០ឆ្នាំ ជាកម្មករសំណង់ នៅភូមិចំការសំរោង១ សង្កាត់ចំការសំរោង ៣-ឈ្មោះហែម ភាព អាយុ២៤ឆ្នាំ លក់មាន់ នៅភូមិអញ្ចាញ សង្កាត់អូរចារ និង៤-ឈ្មោះវ៉ាន់ ចិត្រា អាយុ១៧ឆ្នាំ ជាជាងឈើ នៅភូមិចំការសំរោង២ សង្កាត់ចំការសំរោង ក្រុងបាត់ដំបង ។ ក្រុមនេះត្រូវបានកម្លាំងកងរាជអាវុធហត្ថក្រុងបាត់ដំបងឃាត់ខ្លួនជាបន្តបន្ទាប់ ខណ:ដែលពួកគេកំពុងប្រព្រឹត្តបទល្មើសគ្រឿងញៀនជាក់ស្ដែងនៅចំណុចភូមិ-សង្កាត់ខាងលើ ហើយថែមទាំងដកហូតបាននូវវត្ថុតាងមួយចំនួនផងដែរ ។
បើតាមរបាយការណ៍ឱ្យដឹងទៀតថា ជាមួយនឹងការឃាត់ខ្លួនជនសង្ស័យទាំង៤ខាងលើនេះ មន្ត្រីជំនាញ
ដកហូត បានវត្ថុតាងគ្រឿងញៀនប្រភេទម្សៅក្រាមពណ៌សរឹងថ្លា (ម៉ាទឹកកក)៥កញ្ចប់ (មានទម្ងន់៤,៧៧ក្រាម), ដាវសាំម៉ូរ៉ៃចំនួន៣ដើម និងព្រួញបាញ់កណ្តុរចំនួន៥ដើម រួមទាំងវត្ថុតាងពាក់ព័ន្ធមួយចំនួនទៀត។ បើតាមមន្ត្រីជំនាញបានប្រាប់ថា ក្រុមនេះ ជាមុខសញ្ញាជួញដូរគ្រឿងញៀន ដែលត្រូវបានកម្លាំងជំនាញតាមដានសកម្មភាពជួញដូរគ្រឿងញៀននេះយូរដែរហើយ ទម្រាំឈានដល់ការឃាត់ខ្លួនពួកគេ ។
ចែករំលែកព័តមាននេះ