ប្រទេសថៃ ៖ បណ្ដាគណបក្សនយោបាយថៃ ដែលមានទំនាក់ទំនងជាមួយត្រកូលខ្លាំងស៊ីណាវ៉ាត្រា បានរៀបចំធ្វើកាលពីចុងសប្ដាហ៍ នូវការប្រមូលផ្ដុំមនុស្សធ្វើបាតុកម្ម មុនការសម្រេចរបស់តុលាការ ដែលអាចធ្វើឲ្យប៉ះពាល់ធ្ងន់ធ្ងរដល់ការបោះឆ្នោតសភាថៃ ដែលគ្រោងធ្វើនាខែមីនានេះ។ ការប្រមូលផ្ដុំមនុស្សពិសេសរបៀបជាអង្គមីទ្ទីង…
ប្រទេសថៃ ៖ បណ្ដាគណបក្សនយោបាយថៃ ដែលមានទំនាក់ទំនងជាមួយត្រកូលខ្លាំងស៊ីណាវ៉ាត្រា បានរៀបចំធ្វើកាលពីចុងសប្ដាហ៍ នូវការប្រមូលផ្ដុំមនុស្សធ្វើបាតុកម្ម មុនការសម្រេចរបស់តុលាការ ដែលអាចធ្វើឲ្យប៉ះពាល់ធ្ងន់ធ្ងរដល់ការបោះឆ្នោតសភាថៃ ដែលគ្រោងធ្វើនាខែមីនានេះ។
ការប្រមូលផ្ដុំមនុស្សពិសេសរបៀបជាអង្គមីទ្ទីង ប្រព្រឹត្តទៅនៅតាមកន្លែងជាច្រើនរបស់ប្រទេស ពិសេសនៅទីក្រុងឈៀងម៉ៃ ដែលលោកថាក់ស៊ីនស៊ីណាវ៉ាត្រា អតីតនាយករដ្ឋមន្ត្រីថៃមានប្រភពចេញពីទីនោះ។ បណ្ដាសកម្មជនរបស់គណបក្សភឿថៃ បានសន្យានៅមុខមហាជនដែលប្រមូលផ្ដុំគ្នា នៅស្ដាតមួយពីការអភិវឌ្ឃន៍សេដ្ឋកិច្ច ហើយជួយលើកទឹកចិត្តដល់បណ្ដាសហគ្រិន។
មនុស្សជាច្រើនពាន់នាក់ក៏ប្រមូលផ្ដុំគ្នាដែរនៅកណ្ដាលក្រុងបាងកក កាលពីថ្ងៃទី២មីនា ដើម្បីជួយទ្រទ្រង់ដល់យុទ្ធនាឃោសនាបោះឆ្នោត របស់គណបក្សថៃរក្សាជាតិ ដែលជាគណបក្សមួយ ក្នុងចំណោមគណបក្សមានទំនាក់ទំនងជាមួយត្រកូលស៊ីណាវ៉ាត្រា។ គណបក្សនោះអាចត្រូវរំលាយចោលដោយតុលាការធម្មនុញ្ញនាថ្ងៃទី៧មីនា ក្រោយពីការប៉ុនប៉ងរបស់ខ្លួន លើកម្ចាស់ក្សត្រីមួយអង្គជាព្រះរៀមព្រះមហាក្សត្រ ឲ្យឈរឈ្មោះជាបេក្ខជននាយករដ្ឋមន្ត្រី។
ពួកអ្នកគាំទ្រត្រកូលសីុណាត្រាវាយតម្លៃថា តុលាការក្ដាប់ក្នុងដៃ អនាគតនៃលទ្ធិប្រជាធិបតេយ្យ ខណៈដែលរបបយោធាប្ដេជ្ញាវិលមកកាន់អំណាច ក្រោមរូបភាពនៃរដ្ឋាភិបាលស៊ីវិលមួយ ដែលរដ្ឋាភិបាលនោះនឹងដឹកនាំដោយ លោកប្រាយុទ្ធចាន់អូចា។
លោកUMESH PANDEYជាបេក្ខជនម្នាក់របស់គណបក្សនិយាយថា ភាពតានតឹងកើនខ្ពស់ក្នុងផ្ទៃគណបក្សថៃរក្សាជាតិរបស់លោក ខណៈជិតដល់ការសម្រេចរបស់តុលាការ ប៉ុន្តែគណបក្សនោះនឹងបន្តធ្វើយុទ្ធនាការឃោសនាបោះឆ្នោត។ ប្រសិនបើគណបក្សត្រូវរំលាយ នោះនឹងនាំឲ្យក្ដីសង្ឃឹមរបស់យើង លើលទ្ធិប្រជាធិបតេយ្យ ត្រូវបាត់បង់ធ្ងន់ធ្ងរ។
ទោះបីអនាគតរបស់គណបក្សថៃរក្សាជាតិមានភាពមិនច្បាស់លាស់ តែគណបក្សប្រឆាំងមួយទៀតចំពោះរបបយោធា បានបង្ហាញខ្លួន ក្នុងនាម នៃកម្លាំងនយោបាយដ៏សំខាន់មួយ នោះគឺគណបក្សFUTURE FORWARD ដឹកនាំដោយលោកTHANATHORN JUANGROONGRUANGKIT អាយុ៤០ឆ្នាំ ជាសេដ្ឋីមួយរូបទទួលមរតក ពីក្រុមហ៊ុនផលិតគ្រឿងបន្លាស់ដ៏ធំបំផុតរបស់ប្រទេស ហើយដែលទទួលការគាំទ្រខ្លាំងជាពិសេសពីពួកយុវជនមានអាយុពី១៨ទៅ២៥ឆ្នាំ។
ការប្រមូលផ្ដុំមនុស្សដទៃៗទៀតគ្រោងធ្វើនាថ្ងៃទី៣កុម្ភៈ។ រដ្ឋធម្មនុញ្ញថៃរៀបរៀងដោយរបបយោធា អាចឲ្យពួកយោធាជ្រើសតាំងសមាជិកព្រឹទ្ធសភាដល់ទៅ២៥០រូប ដែលព្រឹទ្ធសភានោះនឹងជាអ្នកសម្រេចលើការជ្រើសរើសនាយករដ្ខមន្ត្រីនាពេលខាងមុខ៕
ចែករំលែកព័តមាននេះ