ព្រះអដ្ឋកថាចារ្យបានសម្តែងថា ឧបបាតិកៈកំណើត គឺសំដៅដល់សត្វទាំងឡាយដែលកើតឡើងដោយពុំអាស្រ័យហេតុដូចកំណើតសត្វដទៃទៀតឡើយ ។
ពួកសត្វដែលអាស្រ័យនឹងឧបបាតិកៈកំណើត វេលាកើតក៏កើតឡើងឯងៗ មានរូបកាយធំឡើងភ្លាមៗ បើធៀបទៅនឹងមនុស្ស ប្រហែលមនុស្សមានវ័យ១៦ឆ្នាំ ។
ឧបបាតិកៈកំណើត គឺជាកំណើតសត្វមួយប្រភេទ ដែលកើតឡើងដោយមិនចាំបាច់មេបាឲ្យកំណើតឡើយ ដូចមានពុទ្ធភាសិតស្តែងថា ពួកទេវតា និងពួកនរក ប្រេត សុទ្ធតែជាឧបបាតិកៈកំណើត ។
ពួកទេវតាជាឧបបាតិកៈកំណើតនេះ បានដល់ទេវតាចាតុម្មហារាជិការហូតដល់ទេវតាជាន់ខ្ពស់ៗឡើងទៅជាលំដាប់ ។ ចំណែកភុម្មទេវតា គឺទេវតាដែលស្ថិតនៅលើផែនដីនេះក៏រមែងប្រព្រឹត្តទៅដោយឧបបាតិកៈកំណើតផង និងកំណើតដទៃទៀតផង ពោលគឺប្រព្រឹត្តទៅទាំង៤ កំណើត ។
ចែករំលែកព័តមាននេះ