អយស្ទ័រជាប្រភេទអាហារសមុទ្រម្យ៉ាងដែលកំពុងពេញនិយមមានផ្ទុកសម្បូរទៅដោយសារធាតុចិញ្ចឹមជាច្រើន ហើយអាចយកមកទទួលទានទាំងឆៅ ឬចម្អិនតាមរបៀប ផ្សេងៗ ។ ភាគច្រើនប្រាកដជាស្គាល់ និងធ្លាប់ទទួលទានវារួចមកហើយ ប៉ុន្តែប្រហែលជាមិនចាប់អារម្មណ៍អំពីអត្ថប្រយោជន៍នៃអាហារសមុទ្រមួយនេះចំពោះសុខភាពឡើយ ។ ផលល្អនៃការទទួលទានអយស្ទ័រ៖…
អយស្ទ័រជាប្រភេទអាហារសមុទ្រម្យ៉ាងដែលកំពុងពេញនិយមមានផ្ទុកសម្បូរទៅដោយសារធាតុចិញ្ចឹមជាច្រើន ហើយអាចយកមកទទួលទានទាំងឆៅ ឬចម្អិនតាមរបៀប ផ្សេងៗ ។ ភាគច្រើនប្រាកដជាស្គាល់ និងធ្លាប់ទទួលទានវារួចមកហើយ ប៉ុន្តែប្រហែលជាមិនចាប់អារម្មណ៍អំពីអត្ថប្រយោជន៍នៃអាហារសមុទ្រមួយនេះចំពោះសុខភាពឡើយ ។ ផលល្អនៃការទទួលទានអយស្ទ័រ៖
១. ផ្ទុកសម្បូរទៅដោយជាតិស័ង្កសីច្រើនជាងអាហារសមុទ្រដទៃទៀត ។ ជាតិស័ង្កសី គឺចាំបាច់ណាស់សម្រាប់ការលូតលាស់បានត្រឹមត្រូវ, ពង្រឹងប្រព័ន្ធភាពស៊ាំ ក៏ដូចជាជួយឱ្យរបួសឆាប់ជាសះស្បើយ ។
២.បង្កើនសុខភាពបេះដូង ៖ នោះក៏ព្រោះតែអយស្ទ័រជាប្រភពដ៏ប្រសើរនៃអាស៊ីតខ្លាញ់អូមេហ្គា៣, ប៉ូតាស្យូម និងម៉ាញ៉េស្យូមដែលជួយកាត់បន្ថយហានិភ័យនៃ ជំងឺគាំងបេះដូង, ដាច់សរសៃឈាមខួរក្បាល និងសម្ពាធឈាមឡើងខ្ពស់ ។
៣.បង្កើនសុខភាពផ្លូវភេទ ៖ បរិមាណនៃជាតិស័ង្កសីក្នុងអយស្ទ័រជួយរាងកាយផលិតអ័៊រម៉ូនតេស្តូស្តេរ៉ូនដែលមានតួនាទីគ្រប់គ្រងពង្រឹងដំណើរការមុខងារផ្លូវភេទរបស់បុរស និងស្ត្រី ។ ចំពោះបុរសការទទួលទានអយស្ទ័រជួយបង្កើនដល់បរិមាណនៃមេជីវិតឈ្មោល និងសមត្ថភាពនៃការហែល ។ រីឯស្ត្រីវិញជាតិស័ង្កសីជួយដល់អូវែធ្វើឱ្យមានតុល្យភាពរវាងអ័៊រម៉ូន estrogen, progesterone និង testosterone។
៤.ជាប្រភពដ៏ប្រសើរនៃសារធាតុចិញ្ចឹមចាំបាច់ដទៃទៀត ៖ រួមបញ្ចូលទាំងវីតាមីន A, E និង C, ជាតិស័ង្កសី, ជាតិដែក, កាល់ស្យូម, សេលេញ៉ូម និងវីតាមីន B12 ដែលរាងកាយត្រូវការ។
៥.បង្កើនថាមពល ៖ អយស្ទ័រជាប្រភពដ៏ប្រសើរនៃជាតិដែកដែលជួយរាងកាយដឹកនាំអុកស៊ីសែនទៅកាន់រាល់កោសិកាផ្ដល់ឱ្យអ្នកនូវថាមពលបន្ថែម ។
៦. កាត់បន្ថយកូឡេស្តេរ៉ូលមិនល្អ ៖ ការសិក្សាមួយដែលធ្វើឡើងដោយសាកលវិទ្យាល័យវ៉ាស៊ីនតោន សហរដ្ឋអាមេរិក បានរកឃើញថា ការទទួលទានអយស្ទ័រអាចជួយបង្កើនកម្រិតកូឡេស្តេរ៉ូលល្អ ហើយកាត់បន្ថយកម្រិតនៃកូឡេស្តេរ៉ូលមិនល្អ ។
៧.ធ្វើឱ្យមុខងារខួរក្បាលកាន់តែប្រសើរឡើង ៖ អយស្ទ័រមានផ្ទុកសម្បូរទៅដោយវីតាមីន B12, អាស៊ីតខ្លាញ់អូមេហ្គា ៣, ជាតិស័ង្កសី និងជាតិដែកដែលសុទ្ធសឹងតែជាសារធាតុចិញ្ចឹមចាំបាច់សម្រាប់សុខភាព ក៏ដូចជាមុខងារនៃខួរក្បាលបង្កើនការចងចាំ ។
៨.សុខភាពប្រព័ន្ធសរសៃឈាម និងសរសៃឈាមល្អ ៖ អយស្ទ័រក៏ជាប្រភពដ៏ល្អនៃវីតាមីន C ជួយប្រយុទ្ធប្រឆាំងនឹងជំងឺសសៃឈាមបេះដូង។ ហើយក៏សម្បូរទៅដោយអាស៊ីតខ្លាញ់អូមេហ្កា៣, ប៉ូតាស្យូម និងម៉ាញ៉េស្យូម ដែលមានប្រសិទ្ធភាពខ្ពស់ជួយក្នុងការកាត់បន្ថយហានិភ័យនៃជំងឺគាំងបេះដូង, ដាច់សរសៃឈាមខួរក្បាល និងបញ្ហាសម្ពាធឈាមផងដែរ (ប្រភពពី៖ Health.com.kh) ៕
ចែករំលែកព័តមាននេះ