ប្រទេសអេស្ប៉ាញ ៖ ពួកអ្នកគាំទ្រឯករាជ្យនៅតំបន់កាតាឡូញអេស្ប្ក៉ាញ កាលពីថ្ងៃទី២១កុម្ភៈ បាននាំគ្នាធ្វើបាតុកម្មនិងកូដកម្មព្រមទាំងរាំងខ្ទប់ផ្លូវថ្នល់និងផ្លូវដែក នៅកាតាឡូញ នាឱកាសកូដកម្មរយៈពេល១ថ្ងៃ ប្រឆាំងការកាត់ទោសបណ្ដាមេដឹកនាំឯករាជ្យនិយមរបស់ពួកគេ ពីបទប៉ុនប៉ងពុះបំបែកអេស្ប៉ាញកាលពីខែតុលាឆ្នាំ២០១៧។ កូដកម្មនោះរៀបចំធ្វើឡើងដោយសហជីពឯករាជ្យនិយម…
ប្រទេសអេស្ប៉ាញ ៖ ពួកអ្នកគាំទ្រឯករាជ្យនៅតំបន់កាតាឡូញអេស្ប្ក៉ាញ កាលពីថ្ងៃទី២១កុម្ភៈ បាននាំគ្នាធ្វើបាតុកម្មនិងកូដកម្មព្រមទាំងរាំងខ្ទប់ផ្លូវថ្នល់និងផ្លូវដែក នៅកាតាឡូញ នាឱកាសកូដកម្មរយៈពេល១ថ្ងៃ ប្រឆាំងការកាត់ទោសបណ្ដាមេដឹកនាំឯករាជ្យនិយមរបស់ពួកគេ ពីបទប៉ុនប៉ងពុះបំបែកអេស្ប៉ាញកាលពីខែតុលាឆ្នាំ២០១៧។
កូដកម្មនោះរៀបចំធ្វើឡើងដោយសហជីពឯករាជ្យនិយម នាំឲ្យប៉ះពាល់ជាពិសេសដល់ការដឹកជញ្ជូន។ នាព្រឹកព្រលឹមពួកបាតុករនៃបណ្ដាក្រុមរ៉ាឌីកាល់ បានខ្ទប់ផ្លូវថ្នល់ដល់ទៅប្រមាណជា២០ ក្នុងនោះមានផ្លូវថ្នល់ដែលភ្ជាប់កាតាឡូញជាមួយប្រទេសបារាំង ព្រមទាំងខ្ទប់ផ្លូវរថភ្លើង២។ នាវេលាថ្ងៃត្រង់ពួកបាតុករបានលើកគ្នាដើរហែក្បួនតាមផ្លូវនានា ដើម្បីរាំងខ្ទប់ចរាចរណ៍ ក្នុងស្ថានីយរថភ្លើងនៃទីក្រុងបាសឺឡោន។ មនុស្ស៤នាក់បានត្រូវចាប់ខ្លួន ហើយការប៉ះទង្គិចគ្នានានា បណ្ដាលឲ្យមនុស្ស៣៧នាក់រងរបួស ក្នុងនោះមានប៉ូលិស៦នាក់។
នាវេលាល្ងាច យោងតាមប៉ូលិសថា មនុស្សប្រមាណជា៤០.០០០នាក់បានធ្វើបាតុកម្មនៅ PASEO DE GRACIA នៃទីក្រុងបាសឺឡោន ដោយលើកទង់ជាតិឯករាជ្យនិយមកាតាឡូ្ពញពណ៌លឿងក្រហមនិងខៀវ។ មុននេះបាតុករជាង១០០០នាក់ បានប្រមូលផ្ដុំគ្នានៅទីលានសាកលវិទ្យាល័យក្រុងបាសឺឡោន។ ពួកបាតុករស្រែកថាពួកយើងលើកគ្នាមកនេះ ដើម្បីបរិហារឆាកល្ខោននោះរបស់តុលាការ។ យើងនឹងមិនយល់ស្របតាមអ្វីទាំងអស់ ក្រៅពីលុបចោលការចោទប្រកាន់ប្រឆាំងបណ្ដាមេដឹកនាំរបស់យើង៕
ចែករំលែកព័តមាននេះ