សហរដ្ឋអាមេរិក ៖ បណ្ដាសមាជិកសភានៃគណបក្សប្រជាធិបតេយ្យ គ្រោងដាក់នាថ្ងៃទី២២កុម្ភៈ កម្រោងច្បាប់មួយ ដែលសំដៅលុបចោលការប្រកាសអាសន្នជាតិ របស់ប្រធានាធិបតីលោកដូណាល់ត្រាំ ក្នុងគោលបំណងកសាងជញ្ជាំងព្រំដែនជាមួយម៉ិកស៊ិក។
ប្រធានសភាអ្នកប្រជាធិបតេយ្យ លោកស្រីNANCY POLOSI កាលពីថ្ងៃទី២០កុម្ភៈ បានផ្ញើសារលិខិត ជូនដល់បណ្ដាសមាជិកសភានៃគណបក្សប្រជាធិបតេយ្យនិងនៃគណបក្សសាធារណរដ្ឋ ឲ្យជួយគាំទ្រគម្រោងច្បាប់នោះ ដែលរៀបរៀងដោយសមាជិកសភា លោកJOAQUIN CASTRO។ សម្រាប់ពេលនេះមានសមាជិកសភា៩២រូបហើយគាំទ្រ រួចគម្រោងច្បាប់អាចអនុម័តដោយស្រូលក្នុងសភា រួចនាបណ្ដាសប្ដាហ៍ខាងមុខ នឹងត្រូវពិនិត្យដោយព្រឹទ្ធសភា ដែលគណបក្សសាធារណរដ្ឋមានសំឡេងភាគច្រើន។
ទោះបីយ៉ាងណាបើគម្រោងច្បាប់នេះត្រូវបានសភាទាំង២អនុម័ត តែនៅត្រូវឆ្លងកាត់ការចុះហត្ថលេខារបស់ប្រធានាធិបតី ដែលមានសិទ្ធិវេតូ រួចប្រាកដណាស់លោកនឹងប្រើសិទ្ធិនោះ៕
ចែករំលែកព័តមាននេះ