ក្រុងប៉ោយប៉ែត ៖ ច្រកទ្វារអន្តរជាតិប៉ោយប៉ែតនៅព្រឹកថ្ងៃទី២ កញ្ញា ២០១៣នេះ មានការកកស្ទះចរាចរណ៍យ៉ាងខ្លាំងដែលមិនអាចឱ្យអាជីវករខ្មែរដែលចេញចូលរកស៊ីនៅទីនោះដឹកទំនិញចូលទៅបាន។
មូលហេតុនៃការកកស្ទះនេះដោយសារកន្លងមកមានជនខិលខូចមួយចំនួនលួចបន្លំម៉ាកយីហោដែលជាកម្មសិទ្ធិបញ្ញារបស់សហរដ្ឋអាមេរិក(លីកាស៊ីត)ចូលមកលក់នៅក្នុងទឹកដីថៃច្រើនពេក ទើបខាងភាគីថៃបានធ្វើការរឹតបន្តឹង និងត្រួតពិនិត្យលើទំនិញខ្មែរដែលដឹកចូលទៅលក់ក្នុងទឹកដីថៃ បើទំនិញណាមានម៉ាកយីហោត្រឹមត្រូវ និងមិនជាន់លើម៉ាកយីហោរបស់គេទើបអនុញ្ញាតឱ្យដឹកចូលបាន។
ទាក់ទិនបញ្ហានេះខាងភាគីថៃបាននិយាយថា ពួកគេបានជូនដំណឹងរយៈពេល២ទៅ៣ថ្ងៃហើយពីការរឹតបន្តឹងចំពោះការដឹកចូលនូវទំនិញដែលអត់មានម៉ាកយីហោត្រឹមត្រូវ និងរំលោភលើកម្មសិទ្ធិបញ្ញា។
រហូតមកដល់ពេលនេះការកកស្ទះនៅមិនទាន់ធូរស្រាលនៅឡើយទេ៕
ចែករំលែកព័តមាននេះ