ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី១៩កុម្ភៈអះអាងថា លោកប្ដេជ្ញាឲ្យទទួលបានការរំសាយនុយក្លេអ៊ែររបស់កូរ៉េខាងជើង ប៉ុន្តែលោកបន្តថាលោកមិនប្រញាប់ប្រញាល់ពេកទេ ហើយក៏គ្មានកាលបរិច្ឆេទកំណត់ណាមួយដែរ។ ប្រធានាធិបតីអាមេរិកត្រូវជួបជាលើកទី២ ជាមួយមេដឹកនាំកូរ៉េខាងជើង លោកគីមជុងអ៊ុន…
ប្រទេសកូរ៉េខាងជើង ៖ ប្រធានាធិបតីអាមេរិកលោកដូណាល់ត្រាំ កាលពីថ្ងៃទី១៩កុម្ភៈអះអាងថា លោកប្ដេជ្ញាឲ្យទទួលបានការរំសាយនុយក្លេអ៊ែររបស់កូរ៉េខាងជើង ប៉ុន្តែលោកបន្តថាលោកមិនប្រញាប់ប្រញាល់ពេកទេ ហើយក៏គ្មានកាលបរិច្ឆេទកំណត់ណាមួយដែរ។
ប្រធានាធិបតីអាមេរិកត្រូវជួបជាលើកទី២ ជាមួយមេដឹកនាំកូរ៉េខាងជើង លោកគីមជុងអ៊ុន ពីថ្ងៃទី២៧ទៅ២៨កុម្ភៈ នៅក្រុងហាណូយប្រទេសវៀតណាម។ កាលជួបគ្នាកំពូលជាប្រវត្តិសាស្ត្រលើកដំបូង របស់មេដឹកនាំទាំង២នៅសិង្ហបុរី លោកគីមជុងអ៊ុនបានសន្យារំសាយចោលកម្មវិធីនុយក្លេអ៊ែររបស់ប្រទេសលោក។
លោកត្រាំថ្លែងថា ខ្ញុំមិនប្រញាប់ប្រញាល់ពេកទេ ព្រោះពុំមានការសាកល្បងនុយក្លេអ៊ែរឡើយ។ បើដរាបណាពុំមានការសាកល្បងនោះខ្ញុំក៏មិនប្រញាប់ប្រញាល់ពេកដែរ។ បើមានការសាកល្បងនោះវាជារឿងមួយទៀត។ លោកបន្តថាបណ្ដាទណ្ឌកម្មរបស់អាមេរិកនឹងនៅជាធរមាន រហូតដល់សម្រេចទិសដៅ។
លោកត្រាំដែលថ្លែងទៅកាន់សារព័ត៌មាន នៅឯសេតវិមាន មុននេះបានពិភាក្សាជាមួយប្រធានាធិបតីកូរ៉េខាងត្បូង លោកMOON JAE INដែលបានស្នើចាប់ផ្ដើមកិច្ចសហប្រតិបត្តិការសេដ្ឋកិច្ចជាមួយកូរ៉េខាងជើង ដើម្បីជំរុញការគោរពកិច្ចសន្យារបស់លោក ឲ្យបានឆាប់រហ័ស។ លោកបានលើកជាពិសេសពីការស្ដារឡើងវិញខ្សែរថភ្លើងនិងផ្លូវថ្នល់ភ្ជាប់កូរ៉េទាំង២ ជាសម្បទានមួយដែលតាមលោកថា ជំរុញក្រុងព្យុងយ៉ាងឲ្យគោរពដោយឆាប់រហ័ស បណ្ដាការសន្យារបស់ខ្លួន។ លោកបន្តថាយើងត្រៀមដើរតួនាទីនោះ ប្រសិនបើប្រធានាធិបតីអាមេរិកស្នើដល់លោក ដើម្បីជួយសម្រាលអម្រែករបស់សហរដ្ឋអាមេរិក។
លោកSTEPHEN BIGUNអ្នកការទូតអាមេរិក ទទួលបន្ទុកសំណុំរឿងកូរ៉េខាងជើងកាលពីថ្ងៃទី១៩កុម្ភៈ បានធ្វើដំណើរមកកាន់ក្រុងហាណូយ ដើម្បីរៀបចំការជួបគ្នាកំពូលលើកទី២រវាងលោកត្រាំនិងលោកគីម៕
ចែករំលែកព័តមាននេះ