ខេត្តកំពង់ឆ្នាំង ៖ ផ្លូវជាតិលេខ៥ចាប់ពីចំណុចមុខសាលាក្រុងកំពង់ឆ្នាំង រហូតដល់មុខវិទ្យាល័យព្រះបាទសុរាម្រិត នៅក្នុងសង្កាត់កំពង់ឆ្នាំង ក្រុងកំពង់ឆ្នាំង មានប្រវែង១៥០០ម៉ែត្រដែលបានរងការខូចខាតដោយសារទឹកភ្លៀង រយៈកាលកន្លងមក ត្រូវបានមន្ទីរសាធារណការ និងដឹកជញ្ជូនការខេត្ត…
ខេត្តកំពង់ឆ្នាំង ៖ ផ្លូវជាតិលេខ៥ចាប់ពីចំណុចមុខសាលាក្រុងកំពង់ឆ្នាំង រហូតដល់មុខវិទ្យាល័យព្រះបាទសុរាម្រិត នៅក្នុងសង្កាត់កំពង់ឆ្នាំង ក្រុងកំពង់ឆ្នាំង មានប្រវែង១៥០០ម៉ែត្រដែលបានរងការខូចខាតដោយសារទឹកភ្លៀង រយៈកាលកន្លងមក ត្រូវបានមន្ទីរសាធារណការ និងដឹកជញ្ជូនការខេត្ត ចាប់ផ្តើមជួសជុលឡើងវិញ ហើយ ដើម្បីសម្រួលចរាចរណ៍ជូនប្រជាពលរដ្ឋធ្វើដំណើរដោយសុវត្ថិភាព និងក៏ដើម្បីអបអរ ការរៀបបុណ្យទន្លេនៅពាក់កណ្តាលខែមីនា ខាងមុខនេះផងដែរ ។
លោក កែវ ពៅ ប្រធានមន្ទីសាធារណការ និងដឹកជញ្ជូនខេត្តកំពង់ឆ្នាំង បានអោយដឹងថា ការកសាងផ្លូវខាងលើនេះថវិកាជាតិតាមរយៈក្រសួងសាធារណការ អនុវត្តន៍គំរោងជួសជុល ដោយមន្ទីរសាធារណការ និងដឹកជញ្ជូនខេត្តកំពង់ឆ្នាំង ដែលកំពុងកសាងយ៉ាងមមាញឹក គិតមកដល់ថ្ងៃនេះ កសាងបានប្រមាណ៦០%ហើយ ដោយនៅក្នុងការកសាងនេះ ក៏មានការសហការ ជាមួយសមត្ថកិច្ចនគរបាលចរាចរណ៍ ជួយសមករួលចរាចរណ៍ផងដែរ ។
ជាមួយគ្នានេះលោកក៏សូមអំពាវនាវដល់ប្រជាពលរដ្ឋ ជាអ្នកធ្វើដំណើរតាមយានយន្តគ្រប់ប្រភេទសូមមេត្តាមានការយោគយល់ និងអធ្យាស្រ័យ នូវផលប៉ះពាល់មួយចំនួនដូចជា ត្រូវបើកបរតាមផ្លូវវាង ការកកស្ទះចរាចរណ៍ខ្លះៗពេលមានរថយន្តឆ្លងកាត់ច្រើន នៅក្នុងពេលកំពុងកសាងកំណាត់ផ្លូវនេះជាដើម ៕
ចែករំលែកព័តមាននេះ