ទីក្រុងវ៉ាស៊ីនតោន ៖ ក្រុមហ៊ុនផលិតប្រេងអាមេរិកបានត្រៀមខ្លួនរួចជាស្រេច បន្ទាប់ពីអ្នកនៅក្នុងវិស័យពាណិជ្ជកម្មប្រេង បានប្រារព្ធកិច្ចប្រជុំប្រចាំឆ្នាំរបស់ពួកគេនៅអាស៊ី កាលពីខែកញ្ញា ឆ្នាំមុន ។ ក្រុមហ៊ុនអាមេរិក Exxon…
ទីក្រុងវ៉ាស៊ីនតោន ៖ ក្រុមហ៊ុនផលិតប្រេងអាមេរិកបានត្រៀមខ្លួនរួចជាស្រេច បន្ទាប់ពីអ្នកនៅក្នុងវិស័យពាណិជ្ជកម្មប្រេង បានប្រារព្ធកិច្ចប្រជុំប្រចាំឆ្នាំរបស់ពួកគេនៅអាស៊ី កាលពីខែកញ្ញា ឆ្នាំមុន ។
ក្រុមហ៊ុនអាមេរិក Exxon Mobul និងដៃគូប្រកួតប្រជែងមកពីអឺរ៉ុប Royal Dutch ឬ Shell បានត្រៀមឯកសារសម្រាប់អតិថិជនដែលប្រាប់ពីព័ត៌មានប្រភេទប្រេងអាមេរិក និងមូលហេតុដែលពួកគេស័ក្តិសមក្នុងការជំនួសអ្នកផ្គត់ផ្គង់មកពីអាស៊ីអាគ្នេយ៍ អាហ្វ្រិក និងរុស្ស៊ីជាដើម ។
កាលពីប៉ុន្មានឆ្នាំមុន សហរដ្ឋអាមេរិកគឺជាប្រទេសដែលនាំចូលប្រេងច្រើនជាងគេជុំវិញពិភពលោក ហើយត្រូវបានហាមឃាត់មិនឲ្យនាំចេញប្រេងទៅក្រៅប្រទេសផងដែរ។ បច្ចុប្បន្ននេះ ការនាំចេញប្រេងឆៅអាមេរិកទៅកាន់អឺរ៉ុបបានកើនដល់កម្រិតខ្ពស់ជាងគេ ដោយនាំចេញបាន៦៣ម៉ឺនធុងក្នុងមួយថ្ងៃកាលពីខែមករា តែនៅតែទាបជាងប្រេងនាំចេញពីរុស្ស៊ី និងអុីរ៉ាក់ដដែល ។ ការនាំចេញប្រេងអាមេរិកត្រូវបានជំរុញដោយការកាត់បន្ថយការផ្គត់ផ្គង់នៃប្រេងអុីរ៉ង់ និងវ៉េណេស៊ុយអេឡា ដែលអាមេរិកបានដាក់ទណ្ឌកម្មលើ ។
ពាណិជ្ជករប្រេងម្នាក់បាននិយាយថា៖« តម្លៃប្រេងគ្រប់កម្រិតត្រូវបានទទួលរងគ្រោះ ព្រោះតែការផ្គត់ផ្គង់ប្រេងលើសលប់ពីសហរដ្ឋអាមេរិក ហើយសម្ពាធនេះកាន់តែកើនឡើងថែមទៀត ព្រោះយោងទៅតាមរដ្ឋាភិបាលអាមេរិកបានឲ្យដឹងថាផលិតកម្មប្រេងឆៅអាមេរិកក្នុងឆ្នាំ ២០១៩ត្រូវបានគិតថានឹងស្មើជាមធ្យមប្រមាណ ១២,០៦លានធុងក្នុង១ថ្ងៃ ឬច្រើនជាងឆ្នាំមុនប្រមាណ១,១៨លានធុងក្នុងមួយថ្ងៃ »។
កំណើនផលិតកម្មក្នុងសហរដ្ឋអាមេរិកបានបង្កឲ្យអង្គការនៃប្រទេសនាំចេញប្រេង (OPEC) និងប្រទេសមិនមែនជាសមាជិកដទៃដូចជា រុស្ស៊ីកាត់បន្ថយទិន្នផលប្រេងរបស់ខ្លួនរវាងពី៣ទៅ៤%តាំងពីឆ្នាំ២០១៧ មកដើម្បីបង្កើនតម្លៃប្រេង។ កិច្ចព្រមព្រៀងនេះបានជួយបង្កើនតម្លៃប្រេងពី៦០ដុល្លារក្នុងមួយធុងមកឡើងទ្វេដងផងដែរ ប៉ុន្តែប្រទេសដែលចូលរួមបានបាត់បង់ចំណែកទីផ្សារឲ្យទៅក្រុមហ៊ុនអាមេរិក »៕
ចែករំលែកព័តមាននេះ