ខេត្តបន្ទាយមានជ័យ ៖ មេប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត(ថ្មី)ក្រោយពេលទទួលភារកិច្ចត្រូវបានគេរិះគន់ធ្វើការងារបក្ខពួកនិយម អសកម្មការងារ និងមានអំពើពុករលួយ។ ប្រជាពលរដ្ឋរស់នៅក្រុងប៉ោយប៉ែតបានរិះគន់មេប៉ុស្តិ៍អន្តោប្រវេសន៍ច្រកទ្វារអន្តរជាតិប៉ោយប៉ែត ទើបទទួលភារកិច្ចថ្មីលោក ខឹម ចិត្ត្រា ដែលជំនួសលោក…
ខេត្តបន្ទាយមានជ័យ ៖ មេប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត(ថ្មី)ក្រោយពេលទទួលភារកិច្ចត្រូវបានគេរិះគន់ធ្វើការងារបក្ខពួកនិយម អសកម្មការងារ និងមានអំពើពុករលួយ។
ប្រជាពលរដ្ឋរស់នៅក្រុងប៉ោយប៉ែតបានរិះគន់មេប៉ុស្តិ៍អន្តោប្រវេសន៍ច្រកទ្វារអន្តរជាតិប៉ោយប៉ែត ទើបទទួលភារកិច្ចថ្មីលោក ខឹម ចិត្ត្រា ដែលជំនួសលោក ស៊ឹម សំអាត មេប៉ុស្តិ៍ចាស់ដែលត្រូវបានផ្លាស់ផ្តូរ និងផ្ទេរភារកិច្ច ហើយក្រោយមេប៉ុស្តិ៍ថ្មីទទួលភារកិច្ចដូចមិនឃើញមានធ្វើសកម្មភាពមួយនៅឡើយទេ ឃើញសណ្តាប់ធ្នាប់នៅច្រកទ្វារអន្តរជាតិប៉ោយប៉ែត មានភាពរញ៉េរញ៉ៃគ្មានសណ្តាប់ធ្នាប់ដោយម៉ូតូឌុប និងម៉ូតូកង់បីចតចាប់ម៉ូយ និងអ្នកលក់អីវ៉ាន់តាមរទេះប៉ះពាល់សណ្តាប់ធ្នាប់ និងប៉ះពាល់អារម្មណ៍ភ្ញៀវឆ្លងកាត់។
ភ្ញៀវចេញ-ចូលឆ្លងកាត់ច្រកទ្វារអន្តរជាតិប៉ោយប៉ែត បានបញ្ជាក់ថា រយៈពេលកន្លងមក ភ្ញៀវជាតិ និងអន្តរជាតិដែលឆ្លងកាត់ចេញ-ចូលតាមច្រកទ្វារអន្តរជាតិប៉ោយប៉ែត កម្លាំងនគរបាលផ្នែកប៉ាស្ព័របានបោះត្រាលិខិតឆ្លងដែន បានទារលុយមាន១០០ទៅ២០០បាត និងធ្វើឯកសារដែលកំណត់ត្រូវបានទារលុយខុសពីគោលការណ៍កំណត់សុំឱ្យបញ្ឍប់សកម្មភាព។
ក្រុមអ្នកម៉ូតូឌុប និងម៉ូតូកង់បីអ្នកលក់អីវ៉ាន់តាមរទេះក្នុងច្រកទ្វារអន្តរជាតិប៉ោយប៉ែតបានប្រាប់ថា មូលហេតុដែលពួកគាត់ចេញ និងនៅចាប់ម៉ូយម៉ូតូឌុប និងម៉ូតូកង់បីចេញ-ចូលរកដឹកម៉ូយ និងលក់អីវ៉ាន់បានត្រូវបានបង់លុយជាប្រចាំខែឱ្យទៅកម្លាំងនគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតជាប្រចាំខែ ទើបចេញ-ចូលបាន។
លោកវរសេនីយ៍ទោ ខឹម ចិត្ត្រា នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតបានប្រាប់នៅព្រឹកថ្ងៃទី១២ ខែកុម្ភៈថា លោកទើបទទួលភារកិច្ចជានាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត ទើបបានជាង១ខែត្រូវបានប្រកាសចូលកានតំណែងកាលពីថ្ងៃទី១៧ ខែមករា ឆ្នាំ២០១៩ រហូតដល់មកដល់ពេលនេះហើយអ្វីដែលត្រូវបានរិះគន់និងចោទប្រកាន់នោះដូចជា គ្មានការពិតឡើយ បើសិនជាមានលោក និងមានវិធានការណ៍ ហើយមិនអោយកើតមានទៀតឡើយ។
លោកបានបញ្ជាក់ថា ក្រោយពេលលោកទទួលភារកិច្ចបានប្តេជ្ញាចិត្តរួចជាស្រេចខិតខំធ្វើការងារបម្រើប្រជាពលរដ្ឋ និងសង្គមឱ្យបានល្អប្រសើរគោលការណ៍ត្រូវអនុវត្ត គឺ១-ត្រូវរៀបចំកន្លែងការងារក្នុងអង្គភាពអោយប្រសើរឡើង ២-ត្រូវពង្រឹងការងារក្នុងអង្គភាពអោយមានភាពរលូន ៣-រាល់ការងារអសកម្មកន្លងមក ក្នុងអង្គភាព និងរៀបអោយប្រសើរឡើងវិញ ៤-ត្រូវរៀបចំសណ្តាប់ធ្នាប់នៅច្រកទ្វារអន្តរជាតិប៉ោយប៉ែតអោយមានសណ្តាប់ធ្នាប់បានល្អប្រសើរជាងមុន ៥-ត្រូវរៀបចំកម្លាំងជំនាញការពារសន្តិសុខ និងសណ្តាប់ធ្នាប់ជូនភ្ញៀវជាតិ និងអន្តរជាតិដែលឆ្លងកាត់ចូលតាមច្រកទ្វារអន្តរជាតិប៉ោយប៉ែត និង៦-កម្លាំងនគរបាលប៉ុស្តិ៍អន្តោប្រវេសន៍ច្រកទ្វារអន្តរជាតិប៉ោយប៉ែត និងសហការល្អជាមួយមន្ត្រីរដ្ឋបាលក្រុងប៉ោយប៉ែត និងមន្ត្រីស្ថាប័នពាក់ព័ន្ធ៕
ចែករំលែកព័តមាននេះ