រាជធានីភ្នំពេញ ៖ ម៉ូតូស្កុបពីមួយគ្រឿង ខណៈពេលកំពុងធ្វើដំណើរឆ្លងផ្លូវក៏ត្រូវម៉ូតូមួយគ្រឿងទៀត បើកបរក្នុងល្បឿនលឿនឆ្លងកាត់ទទឹងផ្លូវបុកចំពាក់ណ្តាលម៉ូតូពេញទំហឹង បណ្តាលអោយម៉ូតូទាំង២គ្រឿងដួល បង្កអោយភាគីទាំងសង្ខាងរងរបួសធ្ងន់ស្រាលចំនួន៤នាក់ ហេតុការណ៍នេះកើតឡើង កាលពីវេលាម៉ោង១១និង២០នាទីយប់ ថ្ងៃទី១២…
រាជធានីភ្នំពេញ ៖ ម៉ូតូស្កុបពីមួយគ្រឿង ខណៈពេលកំពុងធ្វើដំណើរឆ្លងផ្លូវក៏ត្រូវម៉ូតូមួយគ្រឿងទៀត បើកបរក្នុងល្បឿនលឿនឆ្លងកាត់ទទឹងផ្លូវបុកចំពាក់ណ្តាលម៉ូតូពេញទំហឹង បណ្តាលអោយម៉ូតូទាំង២គ្រឿងដួល បង្កអោយភាគីទាំងសង្ខាងរងរបួសធ្ងន់ស្រាលចំនួន៤នាក់ ហេតុការណ៍នេះកើតឡើង កាលពីវេលាម៉ោង១១និង២០នាទីយប់ ថ្ងៃទី១២ ខែកុម្ភៈ នៅចំនុចផ្លូវ៣១០កែងនឹងផ្លូវ១១៣ សង្កាត់បឹងកេងទី៣ ខណ្ឌចំការមន ។
គ្រោះថ្នាក់ចរាចរណ៍បង្កឡើងរវាងម៉ូតូ២គ្រឿង ម៉ូតូបង្កម៉ាកហុងដាឃ្លីក ពណ៌ខ្មៅ ពាក់ស្លាកលេខកណ្តាល 1N-6364 បើកបរដោយបុរសម្នាក់ រួមដំណើរជាមួយស្ត្រីម្នាក់ទៀត ចំណែកអ្នកបើកបររងរបួសបែកមុខបែកមាត់ហូរឈាមសន្លប់ស្ដូកស្ដឹង ។ ដោយភាគីម្ខាងទៀតដែលជាម៉ូតូរងគ្រោះម៉ាកហុងដាស្កុបពី ពណ៌ស ពាក់ស្លាកភ្នំពេញ1FQ-9917 បើកបរដោយបុរសម្នាក់ រួមដំណើរជាមួយប្រពន្ធ ចំណែកប្តីជាអ្នកបើកបរម៉ូតូរងរបួសរលាត់ដៃជើង រីឯស្ត្រីជាប្រពន្ធរងរបួសធ្ងន់ ។
ប្រភពព័ត៌មានពីកន្លែងកើតហេតុបានប្រាប់អោយដឹងថា មុនកើតហេតុ គឺគាត់ឃើញម៉ូតូម៉ាកស្កុបពីជិះ២នាក់ ប្តីប្រពន្ធធ្វើដំណើរតាមបណ្ដោយផ្លូវ ៣១០ ក្នុងទិសដៅពីកើតទៅលិចក្នុងល្បឿនធម្មតា ឆ្លងកាត់ផ្លូវ១១៣ ដល់ពាក់កណ្ដាលផ្លូវ ស្រាប់តែមានម៉ូតូមួយគ្រឿងទៀតម៉ាកហុងដាឃ្លីក ឆ្លងកាត់ទទឹងផ្លូវគ្នាក្នុងទិសដៅពីជើងទៅត្បូងក្នុងល្បឿនលឿន បានជ្រុលទៅបុកចំពាក់ណ្តាលម៉ូតូស្កុបពីពេញទំហឹងបណ្តាលអោយម៉ូតូដួលខ្ទាតចេញពីគ្នាជាង១០ម៉ែត្រ បង្កអោយខាងអ្នកបើកបរម៉ូតូបង្ករងរបួសបែកមុខបែកមាត់ហូរឈាមសន្លប់ស្ដូកស្ដឹង ចំណែកស្ត្រីរួមដំណើរជាមួយរងរបួសស្រាលរលាត់ដៃជើងត្រូវបានខាងរថយន្តសង្គ្រោះបន្ទាន់របស់ឃ្លីនីកហុងហាក់ដឹកយកទៅព្យាបាលរបួសភ្លាមៗ ។
ចំណែកបុរសជាអ្នកបើកម៉ូតូស្កុបពីរងរបួសស្រាលរលាត់ដៃ រីឯប្រពន្ធរងរបួសធ្ងន់ ដោយសារដួលអូសនឹងថ្នល់រលាត់ដៃជើង និងមានអាការៈឈឺចុកចាប់នៅក្នុងពោះត្រូវបានសាច់ញាតិដឹកតាមម៉ូតូកង់បីទៅសង្គ្រោះនៅមន្ទីរពេទ្យកេតុមាលា ។
ក្រោយកើតហេតុដោយសារភាគីជាម្ចាស់ម៉ូតូទៅព្យាបាលរបួសរាងខ្លួននៅសល់តែម៉ូតូត្រូវបានខាងកម្លាំងសមត្ថកិច្ចជំនាញចរាចរណ៍ខណ្ឌធ្វើការវាស់វែងនឹងយកទៅរក្សាទុកបណ្តោះអាសន្ននៅអធិការដ្ធានខណ្ឌចំការមន ហើយភាគីទាំង២ចូលខ្លួនដោះស្រាយគ្នានៅពេលក្រោយ ៕
ចែករំលែកព័តមាននេះ