រាជធានីភ្នំពេញ ៖ សមាជិកក្រុមភ្លេងចចកសមុទ្រ លោក អ៊ុក រួន បានស្រលាញ់គ្នាជាមួយតារាចម្រៀងកញ្ញា សុខ ស្រីល័ក្ខណ៍ ដែលត្រូវជាប្អូនស្រីបង្កើតរបស់កញ្ញា…
រាជធានីភ្នំពេញ ៖ សមាជិកក្រុមភ្លេងចចកសមុទ្រ លោក អ៊ុក រួន បានស្រលាញ់គ្នាជាមួយតារាចម្រៀងកញ្ញា សុខ ស្រីល័ក្ខណ៍ ដែលត្រូវជាប្អូនស្រីបង្កើតរបស់កញ្ញា សុខ សីឡាលីន អស់រយៈពេលយូរណាស់មកហើយ ។
លុះនៅព្រឹកថ្ងៃទី១២ ខែកុម្ភៈ ឆ្នាំ២០១៩ លោក អ៊ុក រួន បានសម្រេចចិត្តដឹកដៃកញ្ញា សុខ ស្រីល័ក្ខណ៍ ចូលរោងការនៅគេហដ្ឋានខាងស្រី ដោយមានការចូលរួមពីសិល្បករ សិល្បការិនីជាច្រើនផងដែរ។
តារាចម្រៀង សុខ ស្រីល័ក្ខណ៍ ពិតជាស្រស់ស្អាតមែនក្នុងឈុតសម្លៀកបំពាក់កូនក្រមុំជាមួយនឹងទឹកមុខញញឹម។ សុខ ស្រីល័ក្ខណ៍ មិនមានអារម្មណ៍ភិតភ័យដូចកូនក្រមុំដទៃទៀតឡើយ ដោយសារចំណងស្នេហ៍របស់នាងមានរយៈពេលជាង១០ឆ្នាំ និងបានស្គាល់ចិត្តថ្លើមគ្នាខ្លាំងបំផុត ។
ផ្ទុយទៅវិញអ្នកទាំងពីរ បែរជាបង្ហាញនូវកាយវិការក្រមិចក្រមើមដាក់គ្នា ពិតជាគួរឱ្យស្រឡាញ់ខ្លាំងណាស់ ។ សម្រាប់ពេលល្ងាចវិញ គឺនាងបានអញ្ជើញភ្ញៀវចូលរួមជាង ១០០ តុឯណោះ ដែលភាគច្រើនគឺជាភ្ញៀវក្នុងសិល្បៈ ។
សុខ សីឡាលីន ដែលជាបងស្រីវិញ បានបង្ហាញនូវចំណាប់អារម្មណ៍របស់ខ្លួនថា នាងពិតជាសប្បាយចិត្តខ្លាំងណាស់នៅពេលដែលឃើញប្អូនរៀបការ និងមានសុភមង្គល ហើយនៅល្ងាចនេះ នាងមានកាដូពិសេសដើម្បីជូនប្អូនស្រីផងដែរ ។
លើសពីនេះមិនដឹងថា បងស្រីសុខ ស្រីលក្ខណ៍ គឺ សុខសីឡាលីន រកគូស្នេហ៍ជួបពិតនៅពេលណាឡើយ ក្រោយបរាជ័យស្នេហ៍។
ហើយតារាមានវត្តមានមង្គលការយប់មិញរបស់តារាចម្រៀង សុខ ស្រីលក្ខណ៍ ជាមួយអ្នកភ្លេងចចកសមុទ្រមាន ៖ សុគន្ធ និសា, មាស សុខសោភា, ខេម សួស វិហ្សា, វី ឌីណែត, ឆ័យ លីដាឡែន, ណុប បាយ៉ារិទ្ធ, ប៉ែន ស្រីពេជ្រ, អេនឌី, ថន លក្ខិណា, លោករ៉ាស៊ី, នាយក្រឹម, ស្រីលាភ, យក់ ឋិតរដ្ឋា, ស៊ឹម ថៃណា, បេប៉ី ព្រមទាំងតារាជាច្រើនទៀត។
តោះទស្សនាកម្ររូបភាពពិធីជប់លៀងមង្គលការខាងក្រោមនេះ ៖
ចែករំលែកព័តមាននេះ