រាជធានីភ្នំពេញ ៖ សពបុរសមិនស្គាល់អត្តសញ្ញាណម្នាក់ត្រូវបានគេប្រទះឃើញអណ្តែតក្នុងទន្លេមកជាប់មងនៅខាងក្រោយសាលសន្និសីទចតុមខ បង្កឱ្យមានការការភ្ញាក់ផ្អើលកើតឡើងកាលពីវេលាម៉ោង៩និង៤៥នាទីព្រឹកថ្ងៃទី១២ ខែកុម្ភៈ ឆ្នាំ២០១៩ នៅក្នុងទឹកទន្លេខាងក្រោយសាលសន្និសីទចតុមុខ ក្នុងសង្កាត់ចតុមុខ ខណ្ឌដូនពេញ។ សពជនរងគ្រោះមិនស្គាល់អត្តសញ្ញាណ…
រាជធានីភ្នំពេញ ៖ សពបុរសមិនស្គាល់អត្តសញ្ញាណម្នាក់ត្រូវបានគេប្រទះឃើញអណ្តែតក្នុងទន្លេមកជាប់មងនៅខាងក្រោយសាលសន្និសីទចតុមខ បង្កឱ្យមានការការភ្ញាក់ផ្អើលកើតឡើងកាលពីវេលាម៉ោង៩និង៤៥នាទីព្រឹកថ្ងៃទី១២ ខែកុម្ភៈ ឆ្នាំ២០១៩ នៅក្នុងទឹកទន្លេខាងក្រោយសាលសន្និសីទចតុមុខ ក្នុងសង្កាត់ចតុមុខ ខណ្ឌដូនពេញ។
សពជនរងគ្រោះមិនស្គាល់អត្តសញ្ញាណ ភេទប្រុស មិនដឹងអាយុប៉ុន្មាននោះទេ មានមាឌធំដំបង សម្បុរខ្មៅស្រអែម សក់ខ្លី ពាក់អាវយឺតដៃខ្លី ពណ៌ក្រហមលាយខ្មៅ ស្លៀកខោសាច់ក្រណាត់ជើងវែង ពណ៌ខ្មៅ ។
តាមប្រភពព័ត៌មានពីនគរបាលបានប្រាប់ឱ្យដឹងថា មុនពេលកើតហេតុ មានការភ្ញាក់ផ្អើលមួយបានកើតឡើង ដោយសារប្រជាពលរដ្ឋជាច្រើននាក់បានប្រទះឃើញសពបុរសម្នាក់បានអណ្តែតតាមទឹកមកទើរជាប់មងរបស់ប្រជានេសាទនៅក្នុងទឹកទន្លេខាងក្រោយសាលសន្និសីទចតុមុខនេះ។ ក្រោយពីពួកគាត់បានប្រទះឃើញសពអណ្តែតទឹកនៅចំណុចខាងលើរួចមក ក៏បានរាយការណ៍ទៅសមត្ថកិច្ចមូលដ្ឋានដើម្បីឱ្យចុះមកពិនិត្យ ។
ក្រោយពីទទួលបានសេចក្តីរាយការណ៍ខាងលើភ្លាម សមត្ថកិច្ចមូលដ្ឋានបានសហការជាមួយនិងកម្លាំងនគរបាលចរាចរណ៍ជើងទឹកដែលមានទីតាំងនៅក្បែរចំណុចខាងលើបានបើកអូប័រមួយគ្រឿងទៅអូសសពជនរងគ្រោះយកមកដាក់លើច្រាំងទន្លេដើម្បីធ្វើការពិនិត្យផងដែរ។
តាមប្រភពដដែលបានប្រាប់បន្តទៀតថា សពបុរសម្នាក់ខាងលើនេះមិនមានអ្នកណាម្នាក់ ស្គាល់ពីអត្តសញ្ញាណនោះឡើយ ដោយសារសពជនរងគ្រោះមានសភាពហើមស្អុយមើលមុខលែងស្គាល់ទៅហើយ ។ ម្យ៉ាងទៀតក៏មិនមានលិខិតស្នាមសម្គាល់ខ្លួនអ្វីនៅជាប់នឹងខ្លួនជនរងគ្រោះឡើយ ។
ពាក់ព័ន្ធនឹងការប្រទះឃើញសពបុរសអណ្តែតទឹកទន្លេខាងលើនេះដែរ ត្រូវបានប្រជាពលរដ្ឋជាច្រើនបានអះអាងថា ទំនងជាសពរបស់ជនរងគ្រោះម្នាក់ដែលបានលោតទឹកសម្លាប់ខ្លួនពីលើស្ពានជ្រោយចង្វារកាលពីថ្ងៃទី៩ ខែកុម្ភៈ ឆ្នាំ២០១៩ មកម្ល៉េះ តែគេមិនដឹងថាជនរងគ្រោះជាស្រី ឬប្រុសនោះទេ ។
ក្រោយពេលកើតហេតុ កម្លាំងមានសមត្ថកិច្ចនគរបាលខណ្ឌដូនពេញបានធ្វើការសហការជាមួយ និងកម្លាំងជំនាញកោសល្យវិច្ច័យរបស់ស្នងការនគរបាលរាជធានីភ្នំពេញ ធ្វើការត្រួតពិនិត្យ និងធ្វើកោសល្យវិច្ច័យលើសពបុរសរងគ្រោះបានបញ្ជាក់ថា ជនរងគ្រោះពិតជាស្លាប់ ដោយសារលង់ទឹកប្រាកដមែន និងដឹកយកសពទៅតម្កល់ទុកនៅវត្តទឹកថ្លា ដើម្បីធ្វើការស្រាវជ្រាវរកក្រុមគ្រួសារមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ