ខេត្តព្រះសីហនុ ៖ នគរបាលបានចាប់ខ្លួនបុរសជាឪពុកចុងម្នាក់ ពីបទចាប់រំលោភកូនស្រី កាលពីថ្ងៃទី៤ ខែកុម្ភៈកន្លងទៅ វេលាម៉ោង១២ថ្ងៃត្រង់ នៅឃុំតានៃ ស្រុកព្រៃនប់ ។…
ខេត្តព្រះសីហនុ ៖ នគរបាលបានចាប់ខ្លួនបុរសជាឪពុកចុងម្នាក់ ពីបទចាប់រំលោភកូនស្រី កាលពីថ្ងៃទី៤ ខែកុម្ភៈកន្លងទៅ វេលាម៉ោង១២ថ្ងៃត្រង់ នៅឃុំតានៃ ស្រុកព្រៃនប់ ។ មន្ត្រីនគរបាលឲ្យដឹងថា ជនជាឪពុកចុងរូបនេះ ឈ្មោះ ដៀប ដេត អាយុ៣៥ឆ្នាំ ជាកសិករ ចំណែកកូនស្រីដែលរងគ្រោះ ទើបមានអាយុ៩ឆ្នាំ ។
បើតាមការសាកសួរបឋមរបស់សមត្ថកិច្ចត្រូវបានក្មេងស្រីប្រាប់ថា ការចាប់រំលោភនេះ បានកើតមានចំនួន៣លើកមកហើយ គិតទាំងលើកនេះផង ។ កាលពីត្រូវឪពុកចុងរំលោភ២លើកមុន ខ្លួនបានប្រាប់ម្តាយដែរ តែម្តាយហាក់ដូចជាមិនជឿ លុះនៅលើកទី៣ នាថ្ងៃទី៤ ខែកុម្ភៈ ពេលម្តាយទៅធ្វើការដូចសព្វដង រូបនាងក៏ត្រូវឪពុកចុងចាប់រំលោភទៀត ។
ក្មេងស្រីនិយាយទៀតថា លុះលើកនេះ នាងបានទៅប្រាប់អ្នកជិតខាង ហើយដំណឹងនេះបានដឹងដល់ឪពុកបង្កើត ដែលបានលែងលះគ្នាមួយម្តាយទៅនៅឯខេត្តកំពត ។ ពេលនោះ ឪពុកនាងបានមកនាំនាងពិនិត្យ បង្ហាញថា ប្រាកដហើយទើបឪពុកនាងដាក់ពាក្យប្តឹង និងឈានដល់ឃាត់ខ្លួនឪពុកចុងរូបនេះ ។
ទោះជាយ៉ាងណា ចម្លើយរបស់ជនសង្ស័យជាឪពុកចុង គឺផ្ទុយនឹងចម្លើយរបស់ក្មេងស្រី ដែលប្រាប់សមត្ថកិច្ចជាបឋមថា ខ្លួនបានប៉ះពាល់នាងតែ២ដងប៉ុណ្ណោះនិងមិនបានសម្រេចទេ ។ ជនសង្ស័យ ត្រូវបានកសាងសំណុំរឿងបញ្ជូនបន្តទៅស្នងការដ្ឋានខេត្តទៀតដើម្បីចាត់ការតាមនីតីវិធីច្បាប់៕
ចែករំលែកព័តមាននេះ