អាមេរិកក្រឡុកវ៉េណេស៊ុយអេឡាធ្វើឱ្យតម្លៃប្រេងឡើងដូចរន្ទះ
យោងតាមភ្នាក់ងារសារព័ត៌មាន Xinhua របស់ប្រទេសចិនដែលបានរាយការណ៍កាលពីថ្ងៃទី២ ខែកុម្ភៈ កន្លងមកបានឲ្យដឹងថា តម្លៃប្រេងរបស់ក្រុមហ៊ុន West Texas Intermediate (WTI)…
យោងតាមភ្នាក់ងារសារព័ត៌មាន Xinhua របស់ប្រទេសចិនដែលបានរាយការណ៍កាលពីថ្ងៃទី២ ខែកុម្ភៈ កន្លងមកបានឲ្យដឹងថា តម្លៃប្រេងរបស់ក្រុមហ៊ុន West Texas Intermediate (WTI) បានកើនឡើង ២.៩% និងតម្លៃប្រេងក្រុមហ៊ុន Brent បានកើនឡើង ១.៩% កាលពីសប្តាហ៍មុន ផ្ទុយពីសប្តាហ៍មុនមួយទៀតដែលតម្លៃប្រេង WTI ធ្លាក់ចុះអស់ ០.២% និង តម្លៃប្រេង Brent ធ្លាក់ចុះអស់ ១.៧% ។
កាលពីថ្ងៃចន្ទមុន តម្លៃប្រេងបានបន្តធ្លាក់ចុះព្រោះកំណើនកន្លែងបូមប្រេងបានជំរុញដល់ការភ័យខ្លាចថាមានការផ្គត់ផ្គង់ប្រេងលើសលប់លើទីផ្សារ ។ តំបន់បូមប្រេងក្នុងសហរដ្ឋអាមេរិកបានកើនឡើងជាលើកដំបូងតាំងពីខែធ្នូឆ្នាំ ២០១៨ មកស្មើ ៨៦២កន្លែង ឬច្រើនជាងសប្តាហ៍មុនចំនួន ១០កន្លែង ។
កាលពីថ្ងៃអង្គារ៍ តម្លៃប្រេងបានកើនឡើងសាជាថ្មី ខណៈដែលសហរដ្ឋអាមេរិកដាក់ទណ្ឌកម្មសេដ្ឋកិច្ចលើក្រុមហ៊ុនប្រេងរដ្ឋរបស់ប្រទេសវ៉េណេស៊ុយអេឡាដើម្បីដាក់សម្ពាធលើលោកប្រធានាធិបតី Nicolas Maduro តាមរយៈការកាត់បន្ថយការនាំចេញប្រេងរបស់ប្រទេស ។
សហរដ្ឋអាមេរិកជាអតិថិជនប្រេងធំជាងគេរបស់វ៉េណេស៊ុយអេឡា ដែលនាំចូលប្រេងប្រមាណ៥០០,០០០ធុងក្នុងមួយថ្ងៃកាលពីឆ្នាំ ២០១៨ ។ វិនិយោគិនព្រួយបារម្ភថា ការដាក់ទណ្ឌកម្មថ្មីនេះអាចនឹងប៉ះពាល់ដល់អតិថិជនក្នុងសហរដ្ឋអាមេរិក និងបង្កើនតម្លៃប្រេងជុំវិញពិភពលោក ។
កាលពីថ្ងៃពុធ តម្លៃប្រេងបានបន្តកើនឡើងព្រោះចំនួនប្រេងក្នុងស្តុករបស់អាមេរិកបានកើនឡើងតិចជាងការគិតទុករបស់អ្នមកវិភាគ ហើយសេចក្តីថ្លែងការណ៍ក្រោយពេលប្រជុំថ្មីរបស់ធនាគារជាតិអាមេរិកក៏បានប៉ះពាល់ដល់តម្លៃប្រាក់ដុល្លារផងដែរ ។
កាលពីថ្ងៃព្រហស្បត្តិ៍វិញ តម្លៃប្រេងមើលឃើញលទ្ធផលខុសៗគ្នាព្រោះការផ្គត់ផ្គង់ប្រេងពី OPEC បានធ្លាក់ចុះខណៈដែលទិន្នផលប្រេងអាមេរិកបានកើនឡើង ។
នៅថ្ងៃសុក្រ តម្លៃប្រេងបានបន្តកើនឡើងទៀតព្រោះតំបន់បូមប្រេងរបស់ក្រុមហ៊ុនអាមេរិកបានធ្លាក់ចុះយ៉ាងលឿន ខណៈដែលកំណើនការងារថ្មីៗក្នុងសហរដ្ឋអាមេរិកកាលពីខែមករាបានជំរុញដល់ការព្យាករណ៍លើតម្រូវការ ៕
ចែករំលែកព័តមាននេះ