រាជធានីភ្នំពេញ ៖ ព្រៃនៅក្នុងដីឡូត៍មួយកន្លែងក្បែរអតីតផ្លូវរថភ្លើង ក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ ត្រូវភ្លើងឆាបឆេះរាលដាលបង្កការភ្ញាក់ផ្អើលដល់ប្រជាពលរដ្ឋ និងរថយន្តពន្លត់អគ្គីភ័យចំនួនមួយគ្រឿងទៅអន្តរាគមន៍បាញ់ពន្លត់ទាន់ពុំបណ្តាលអោយរាលដាលដល់លំនៅឋានប្រជាពលរដ្ឋឡើយ ។ ហេតុការណ៍បានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៥…
រាជធានីភ្នំពេញ ៖ ព្រៃនៅក្នុងដីឡូត៍មួយកន្លែងក្បែរអតីតផ្លូវរថភ្លើង ក្នុងភូមិសាមគ្គី សង្កាត់ឫស្សីកែវ ខណ្ឌឫស្សីកែវ ត្រូវភ្លើងឆាបឆេះរាលដាលបង្កការភ្ញាក់ផ្អើលដល់ប្រជាពលរដ្ឋ និងរថយន្តពន្លត់អគ្គីភ័យចំនួនមួយគ្រឿងទៅអន្តរាគមន៍បាញ់ពន្លត់ទាន់ពុំបណ្តាលអោយរាលដាលដល់លំនៅឋានប្រជាពលរដ្ឋឡើយ ។ ហេតុការណ៍បានកើតឡើងកាលពីវេលាម៉ោង១២និង១៥នាទីថ្ងៃត្រង់ថ្ងៃទី៥ ខែកុម្ភៈ ឆ្នាំ២០១៩ ។
តាមប្រជាពលរដ្ឋបានអោយដឹងថា នៅមុនពេលកើតហេតុ គេឃើញភ្លើងបានឆេះគំនរជ័រមួយកន្លែងនៅក្នុងដីឡូត៍នោះ ហើយក៏រាលដាលទៅឆេះព្រៃផ្សែងហុយទ្រលោម បង្កអោយមានការភ្ញាក់ផ្អើលដល់ប្រជាពលរដ្ឋនាំគ្នាជួយបាញ់ទឹកពន្លត់ ព្រោះខ្លាចឆេះរាលដាលដល់លំនៅឋានរបស់ប្រជាពលរដ្ឋដែលនៅក្បែរៗនោះ។
តាមព័ត៌មានបានអោយដឹងទៀតថា ក្នុងហេតុការណ៍ខាងលើនោះដែរបានធ្វើឱ្យប្រជាពលរដ្ឋភ័យស្លន់ស្លោ នាំគ្នាដងទឹកទៅជះពន្លត់ និងបានទាក់ទងហៅរថយន្តពន្លត់អគ្គិភ័យរបស់សាលាខណ្ឌឫស្សីកែវមួយគ្រឿងចុះទៅអន្តរាគមន៍បាញ់ទឹកពន្លត់ទាន់ពេល ចៀសវាងភ្លើងឆេះរាលដាលដល់លំនៅឋានប្រជាពលរដ្ឋ។
តាមប្រភពព័ត៌មានពីប្រជាពលរដ្ឋបានអោយដឹងថា ការកើតមានអគ្គីភ័យឆេះព្រៃក្នុងដីឡូត៍ខាងលើនោះ គេសង្ស័យថា មានក្មេងដុតខ្សែភ្លើងយកស្ពាន់ ហើយក៏បណ្តាលឱ្យឆេះរាលដាលដល់ព្រៃនៅក្នុងដីឡូត៍នោះតែម្តង៕
ចែករំលែកព័តមាននេះ