ប្រទេសថៃ ៖ អត្រានៃការបំពុលបរិយាកាសនៅក្រុងបាងកកមានការចុះថយខ្លាំងនាចុងសប្ដាហ៍ ពេលបុណ្យចូលឆ្នាំចិនមកដល់។ ខណៈបុណ្យចូលឆ្នាំចិនមកដល់ថ្ងៃដំបូង គឺថ្ងៃទី៤កុម្ភៈ កម្រិតនៃការបំពុលបរិយាកាសក្នុងរាជធានីថៃ ដែលមានខ្ពស់ចាប់តាំងពីច្រើនសប្ដាហ៍មកហើយ បានចុះថយខ្លាំងដល់កម្រិតមួយចាត់ទុកថាធម្មតា។ នាព្រឹកថ្ងៃនោះក្នុងខ្យល់១ម៉ែត្រគូប…
ប្រទេសថៃ ៖ អត្រានៃការបំពុលបរិយាកាសនៅក្រុងបាងកកមានការចុះថយខ្លាំងនាចុងសប្ដាហ៍ ពេលបុណ្យចូលឆ្នាំចិនមកដល់។ ខណៈបុណ្យចូលឆ្នាំចិនមកដល់ថ្ងៃដំបូង គឺថ្ងៃទី៤កុម្ភៈ កម្រិតនៃការបំពុលបរិយាកាសក្នុងរាជធានីថៃ ដែលមានខ្ពស់ចាប់តាំងពីច្រើនសប្ដាហ៍មកហើយ បានចុះថយខ្លាំងដល់កម្រិតមួយចាត់ទុកថាធម្មតា។ នាព្រឹកថ្ងៃនោះក្នុងខ្យល់១ម៉ែត្រគូប មានអត្រាធូលីល្អិតត្រឹម១៩.៩មីក្រូក្រាម។ អង្គការសុខភាពពិភពលោកគិតថាកម្រិតធូលីដែលអាចប៉ះពាល់ដល់សុខភាពលុះត្រាតែលើសពី២៥មីក្រូក្រាមប្រចាំថ្ងៃ។
មុនពេលបុណ្យចូលឆ្នាំចិនមកដល់អាជ្ញាធរថៃបានស្នើដល់ប្រជាជន ឲ្យចៀសវាងការដុតក្រដាសសែន។ តាមប្រពៃណីពេលបុណ្យចូលឆ្នាំចិនគេដុតរបស់គ្រប់ប្រភេទជាក្រដាស តំណាងឲ្យរបស់ទ្រព្យនានា សែនដល់ដូនតា ម៉ាកុងដែលបានចែកឋានទៅហើយ តែសំណើនោះមកទល់ពេលនេះពុំមានការគោរពឡើយ។
ការបំពុលបរិយាកាសខ្លាំងបំផុតនៅក្រុងបាងកក បង្ខំឲ្យរដ្ឋាភិបាលថៃចាត់វិធានការនានា រហូតដល់ស្នើដល់កងទ័ពឲ្យត្រួតពិនិត្យបណ្ដារោងចក្រ ហាមឃាត់រថយន្តប្រើប្រេងម៉ាស៊ូតនិងមិនឲ្យដុតភ្លើងគ្រប់យ៉ាងក្នុងក្រុង។
ទោះបីយ៉ាងណាលោកTARA BUAKAMSRI នាយករបស់GREENPEACEប្រចាំប្រទេសថៃ ថ្លែងទៅកាន់កាសែតSOUTH CHINA MORNING POST ថាផ្សែងពុលនឹងអាចមាននៅក្រុងបាងកក រហូតដល់ដំណាច់ខែកុម្ភៈ ហើយត្រូវប្រឈមមុខនឹងឥទ្ធិពលEL NINO ដែលនឹងមកដល់ក្នុងពេលឆាប់ៗ៕
ចែករំលែកព័តមាននេះ