រាជធានីភ្នំពេញ ៖ គ្រឿងចក្រកាយដីអ៊ិចស្កាវ៉ាទ័រមួយគ្រឿងបើកចេញពីការ៉ាសជួសជុលរួចក៏បើកឡើងទៅឡើងរថយន្តស្ទូចមួយគ្រឿងទៀត ដោយមិនប្រយ័ត្នក៏បណ្តាលឲ្យខ្សែភ្លើងដែលអូសកាត់ទទឹងផ្លូវទាញបាក់បង្គោលភ្លើងអស់មួយដើម កាលពីវេលាម៉ោង១០យប់ថ្ងៃទី៣០ ខែមករា ឆ្នាំ២០១៩ តាមបណ្ដោយផ្លូវឧកញ្ញ៉ាម៉ុងរិទ្ធី ស្ថិតក្នុងសង្កាត់ភ្នំពេញថ្មី ខណ្ឌសែនសុខ…
រាជធានីភ្នំពេញ ៖ គ្រឿងចក្រកាយដីអ៊ិចស្កាវ៉ាទ័រមួយគ្រឿងបើកចេញពីការ៉ាសជួសជុលរួចក៏បើកឡើងទៅឡើងរថយន្តស្ទូចមួយគ្រឿងទៀត ដោយមិនប្រយ័ត្នក៏បណ្តាលឲ្យខ្សែភ្លើងដែលអូសកាត់ទទឹងផ្លូវទាញបាក់បង្គោលភ្លើងអស់មួយដើម កាលពីវេលាម៉ោង១០យប់ថ្ងៃទី៣០ ខែមករា ឆ្នាំ២០១៩ តាមបណ្ដោយផ្លូវឧកញ្ញ៉ាម៉ុងរិទ្ធី ស្ថិតក្នុងសង្កាត់ភ្នំពេញថ្មី ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញបុរសម្នាក់បើកបរគ្រឿងចក្រអ៊ិចស្កាវ៉ាទ័រមួយគ្រឿងចេញពីក្នុងហ្គារ៉ាសជួសជុលគ្មានយីហោនៅត្រង់ចំណុចកើតហេតុខាងលើ ។ ពេលនោះគ្រឿងចក្រខាងលើក៏បានបើកឡើងលើរថយន្តមួយគ្រឿងទៀតម៉ាក MITSUBISHI ពណ៌ស ជាប្រភេទរថយន្តបួនភ្លៅរបស់ក្រុមហ៊ុនរាជសីហ៍ឡូជីស្ទីក ពាក់ស្លាកលេខ ភ្នំពេញ 3A-6875 ដែលកំពុងឈប់ចតនៅលើចិញ្ចើមផ្លូវ ត្រង់ចំណុចកើតហេតុ ដើម្បីដឹកគ្រឿងចក្រខាងលើ ។
បន្ទាប់ពីធ្វើការបើកឡើងលើរថយន្តដឹកខាងលើរួចរាល់គ្រឿងចក្រនោះក៏បានបង្វែរប្រមោយបែរទៅខាងក្រោយ ដើម្បីកុំឲ្យប៉ះជាមួយ និងកាប៊ីនរថយន្តដឹកខាងលើ ខណៈពេលនោះដោយអ្នកបើកបរគ្រឿងចក្រខាងលើខ្វះការប្រុងប្រយ័ត្នក៏បង្វែរប្រមោយទៅទាក់នឹងខ្សែភ្លើងដែលអូសកាត់ទទឹងផ្លូវ បណ្ដាលអោយទាញបង្គោលភ្លើងមួយដើមបាក់ពាក់កណ្តាលធ្លាក់ខ្សែភ្លើងចុះមកក្រោម តែមិនបានបង្កឲ្យមាននរណាម្នាក់រងរបួសនោះគ្រាន់តែធ្វើឲ្យចរន្តអគ្គិសនីផ្ទះរបស់ប្រជាពលរដ្ឋមួយចំនួនដាក់ និងបង្កឲ្យមានការកកស្ទះចរាចរណ៍តែប៉ុណ្ណោះ ។
ក្រោយពេលកើតហេតុសមត្ថកិច្ចមូលដ្ឋានក៏ចុះមកធ្វើការអន្តរាគមន៍ទាក់ទងទៅសមត្ថកិច្ចជំនាញឲ្យចុះមកធ្វើការយករថយន្តបង្កខាងលើទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំធ្វើដោះស្រាយជាមួយអគ្គិសនីកម្ពុជាទៅតាមផ្លូវច្បាប់នៅពេលក្រោយ ៕
ចែករំលែកព័តមាននេះ